影片
更多
2021-09-03
256 瀏覽
今日同朋友午飯，點左2個頂級壽司定食，2杯柚子梳打。壽司定食可選烏冬或蕎麥面，我地都選了蕎麥面。點菜一直順利，但問題在於：上菜速度極之快，快到上前菜時*已經*上埋蕎麥面⋯⋯ 我地食緊沙律時嚟左2碗面，一直放喺度。我嚇左一嚇，心諗：正常人係食埋個蒸蛋，飲完湯，再食壽司之後先會食個面，咁到時應該成碗面變到淋beh beh同凍冰冰。面嘅話，平時日本餐廳都係食哂全部主食先最後上架喎⋯⋯於是我問 waitress (高高短頭髮嘅），點解咁快上面嘅？佢嘅答案非常有趣，都幾唔客氣咁話：如果唔想上面先，要落單時就講定架啦。What...?! 我地呆左。係日本餐廳食定食，要係落單時要求店員唔好將最後一道菜係第一道菜上個時就上？😵 你將基本上菜次序嘅錯誤，怪係個客身上？跟住好正，個waitress見我地個樣好呆好hesitant, 於是攞走碗面，加左句話：你唔鍾意嘅話，我serve第二枱客。What... x2?! 你意思係，你攞到我哋個碗放左係枱上面10分鐘嘅面，比第二枱客？我地有冇聽錯？我哋一直 across 碗面，一路食嘢一路傾計。你攞比其他人食，衛生嗎？但係我地唔敢再追問，亦冇觀察佢之後點處理
點菜一直順利，但問題在於：上菜速度極之快，快到上前菜時*已經*上埋蕎麥面⋯⋯ 我地食緊沙律時嚟左2碗面，一直放喺度。
我嚇左一嚇，心諗：正常人係食埋個蒸蛋，飲完湯，再食壽司之後先會食個面，咁到時應該成碗面變到淋beh beh同凍冰冰。面嘅話，平時日本餐廳都係食哂全部主食先最後上架喎⋯⋯
於是我問 waitress (高高短頭髮嘅），點解咁快上面嘅？佢嘅答案非常有趣，都幾唔客氣咁話：如果唔想上面先，要落單時就講定架啦。
What...?! 我地呆左。係日本餐廳食定食，要係落單時要求店員唔好將最後一道菜係第一道菜上個時就上？😵 你將基本上菜次序嘅錯誤，怪係個客身上？
跟住好正，個waitress見我地個樣好呆好hesitant, 於是攞走碗面，加左句話：你唔鍾意嘅話，我serve第二枱客。
What... x2?! 你意思係，你攞到我哋個碗放左係枱上面10分鐘嘅面，比第二枱客？我地有冇聽錯？我哋一直 across 碗面，一路食嘢一路傾計。你攞比其他人食，衛生嗎？
但係我地唔敢再追問，亦冇觀察佢之後點處理個2碗野了。希望唔係真係有其他客人食左啦⋯⋯
呢間餐廳，開係 K11 Musea, 都係甲級商場呀，呢間海陽，一個 lunch $590, 但員工質素就⋯⋯ 衰過茶餐廳。
張貼