影片
更多
2022-10-14
78 瀏覽
另一間想試左好耐嘅餐廳，睇佢個店名都知佢咩料喇，牛扒同酒，地點都幾近港鐵站，大大個字好易搵，入內係全高枱，單邊大大個雪櫃放飲品，大部份都係來自世界各地嘅啤酒，見到佢有法國嘅 cider ，食野之前飲返杯先佢除左餐牌上面有嘅野，佢廚房上面有幾塊黑板寫左有啲咩特別嘅牛（同埋駝鳥扒），見佢個價其實都唔算貴，於是就叫左個 "Butcher Special” 嘅 Bone In Ribeye 20安士 五成熟，跟住問題就嚟喇。廚大哥喺冰格拎塊牛出嚟連包裝沖水解凍，跟住就直接放落個 grill 度，跟住就用個 grill press 壓住佢，好大嘅白煙，加埋出嚟見到塊扒入面嘅顏色，已經有啲唔係好開心。 同埋佢出埋grill press ，塊扒都係無乜grill mark， 加埋 佢隻金屬碟係凍嘅，上枱之後好快塊扒已經凍晒同出晒油。 以一間以牛扒做招牌嘅餐廳，仲有咁多好評，係覺得有啲出奇。不過，見好多其他食評啲相就唔係咁嘅，可能果日咁啱失手。另外，佢嘅20安士牛，係大而薄，而唔係一般 steak house 咁厚切配菜方面，沙律係正常，薯條上枱嘅時候已經唔熱喇，反而佢個菜，係全晚最好食，好香，夠熱，
佢除左餐牌上面有嘅野，佢廚房上面有幾塊黑板寫左有啲咩特別嘅牛（同埋駝鳥扒），見佢個價其實都唔算貴，於是就叫左個 "Butcher Special” 嘅 Bone In Ribeye 20安士 五成熟，跟住問題就嚟喇。
廚大哥喺冰格拎塊牛出嚟連包裝沖水解凍，跟住就直接放落個 grill 度，跟住就用個 grill press 壓住佢，好大嘅白煙，加埋出嚟見到塊扒入面嘅顏色，已經有啲唔係好開心。 同埋佢出埋grill press ，塊扒都係無乜grill mark， 加埋 佢隻金屬碟係凍嘅，上枱之後好快塊扒已經凍晒同出晒油。 以一間以牛扒做招牌嘅餐廳，仲有咁多好評，係覺得有啲出奇。不過，見好多其他食評啲相就唔係咁嘅，可能果日咁啱失手。
另外，佢嘅20安士牛，係大而薄，而唔係一般 steak house 咁厚切
配菜方面，沙律係正常，薯條上枱嘅時候已經唔熱喇，反而佢個菜，係全晚最好食，好香，夠熱，又唔會 overcook 。
無可否認，係有啲失望，希望下次再去嘅時候 可以試返佢地嘅水準之作。
張貼
