影片
更多
2023-06-22
2332 瀏覽
發現紅磡土瓜灣呢帶冇咩越南餐廳，較為出名係呢間端午節周圍都多人，尤其中菜館，所以最後同屋企人嚟試吓呢間餐牌選擇唔算太多，不過足夠，基本上最傳統嘅越南菜式都有▶️ 海防蟹膏金邊粉 ($70)見好多人嚟都會叫呢個，加上之前食過第一郡嗰個幾好食，所以想試吓一上枱成碗紅卜卜咁就知道一定好濃味材料豐富，除咗蟹膏之外仲有兩隻蝦、兩粒香菜豬肉丸、三片扎肉蟹膏係散開一粒粒而唔係好似第一郡嗰個咁樣一件，的確好重蟹味，不過自己麻麻地個質感😅蟹湯味道鮮甜，食得出用真材實料熬製而成，不過略嫌太過濃，變得好杰身同偏油，會寧願佢好似第一郡嗰個咁清甜啲扎肉同蝦正常，夠爽彈香菜豬肉丸應該係自己整，豬肉腍而充滿肉汁，香菜令味道同口感上更豐富👍🏻第一次見金邊粉咁闊，係河粉嘅兩倍闊度，而且係啡色嘅一開始期望佢係煙韌有嚼口麵質，點知都係同河粉差唔多，欠缺煙韌口感，仲非常容易斷開一斷斷，索晒超杰身湯底之後變咗一pat pat😟食到最後實在食唔落口，有啲失望，可能都係配返檬粉／粉絲好啲幾欣賞係佢啲香料，加咗唔少炸蒜、香蔥、芫荽，令碗麵有啲味蕾嘅「新衝擊」▶️ 越式香茅豬扒拌撈檬 ($70)豬扒巨型，可以去拍「巨大化」片🤣肉質好嫩，雖
端午節周圍都多人，尤其中菜館，所以最後同屋企人嚟試吓呢間
餐牌選擇唔算太多，不過足夠，基本上最傳統嘅越南菜式都有
▶️ 海防蟹膏金邊粉 ($70)
見好多人嚟都會叫呢個，加上之前食過第一郡嗰個幾好食，所以想試吓
一上枱成碗紅卜卜咁就知道一定好濃味
材料豐富，除咗蟹膏之外仲有兩隻蝦、兩粒香菜豬肉丸、三片扎肉
蟹膏係散開一粒粒而唔係好似第一郡嗰個咁樣一件，的確好重蟹味，不過自己麻麻地個質感😅
海防蟹膏金邊粉
$70
133 瀏覽
0 讚好
0 留言
蟹湯味道鮮甜，食得出用真材實料熬製而成，不過略嫌太過濃，變得好杰身同偏油，會寧願佢好似第一郡嗰個咁清甜啲
扎肉同蝦正常，夠爽彈
香菜豬肉丸應該係自己整，豬肉腍而充滿肉汁，香菜令味道同口感上更豐富👍🏻
第一次見金邊粉咁闊，係河粉嘅兩倍闊度，而且係啡色嘅
一開始期望佢係煙韌有嚼口麵質，點知都係同河粉差唔多，欠缺煙韌口感，仲非常容易斷開一斷斷，索晒超杰身湯底之後變咗一pat pat😟
食到最後實在食唔落口，有啲失望，可能都係配返檬粉／粉絲好啲
幾欣賞係佢啲香料，加咗唔少炸蒜、香蔥、芫荽，令碗麵有啲味蕾嘅「新衝擊」
▶️ 越式香茅豬扒拌撈檬 ($70)
豬扒巨型，可以去拍「巨大化」片🤣
肉質好嫩，雖然炸過但唔油膩
因為比較厚身，所以咬落啖啖肉，唔韌唔柴，入面仲有少少粉粉地色👍🏻
唔多肥膏，條骨又好易切開
可以按自己口味落檬粉汁，味道甜甜酸酸唔會太鹹
檬粉上面落咗大量花生碎，旁邊有薄荷葉
只係檬粉始終唔夠彈牙
越式香茅豬扒拌撈檬
$70
62 瀏覽
0 讚好
0 留言
▶️ 招牌生牛肉河粉 ($70)
用上牛骨湯底，無味精且清淡，味道清甜，個人鍾意呢個多過蟹湯～
生牛肉份量慷慨，旁邊附上生雞蛋
侍應話係將生雞蛋同豉油醬汁攪勻然後直接食用🥚不過屋企人話偏鹹，應該加落湯度會比較好食
▶️ 招牌牛肉三拼湯河粉 ($68)
同生牛肉河粉湯底一樣，只係多咗牛扎肉同牛丸
▶️ 越式沙爹雞肉串 ($60)
價錢頗貴，係因為佢兩串都幾大條，一條等於人地兩條
雞肉串烤到邊位微燶香脆🤤夠惹味
越式沙爹雞肉串
$60
17 瀏覽
0 讚好
0 留言
▶️ 扎肉米紙卷 ($44)
一客四件，包得好實唔易散
入面有生菜、蝦、扎肉、米粉、薄荷葉、蛋絲✨
米紙薄身而有彈性，唔會感覺未熟
本身味道清淡，主要靠薄荷葉吊味，但係點咗旁邊嘅魚露酸酸甜甜，變得非常有越南風味🇻🇳
扎肉米紙卷
$44
16 瀏覽
0 讚好
0 留言
▶️ 下龍灣手工墨魚餅 ($60)
▶️ 越式脆春卷 ($44)
-
整體小食做得唔錯，個人鍾意串燒同米紙卷，另外欣賞佢嘅調味，每道菜嘅香料都唔會慳，成枱最多就係芫荽、薄荷葉同生菜😂
但係麵質實在令人失望🙍♀️無論金邊粉定檬粉都唔夠煙韌彈牙
個海防蟹膏金邊粉同第一群嗰個差得遠 (冇比較冇傷害，有啲懷念嗰個味道)，不過牛骨湯ok嘅
環境乾淨俐落，舖細但感覺唔壓迫
公眾假期夜晚7:30嚟到要排隊等位，我哋五個人等大枱，等大概20分鐘，好在輪流算快
價錢起越南菜入面算高，可能因為租金昂貴，門口亦貼咗張紙話價錢要調高兩蚊，不過佢份量夠足嘅，以晚餐計亦合理
如果大家唔想等位，又想平啲，可以選擇叫外賣，全日有八折
服務好抵讚☺️即使忙碌都唔會冇禮貌，反而仲非常友善，上菜速度快，會同客人介紹應該點樣食，見到客人用手食得污糟會主動俾濕紙巾，非常細心
見佢服務咁好先加返少少分俾佢
張貼
