蒲東小館 (彌敦道) (已結業)

【上海薰蛋 1隻】 HKD13.【炸饅頭 半打】 HKD32.【蟹粉小籠包 4隻】 HKD78.【川味口水雞】 HKD75.【川味水煮魚】 HKD188.行開旺角，突然㷫起想食辣野🌶，所以揀左間有水煮魚🐟嘅上海菜。坐低先睇好多食評都話依間員工態度好差，好彩我地又冇遇到，如果唔係會食到成肚氣。一坐低就嗌左啲小食。上海薰蛋🥚內裡呈半凝固狀，外層散發住煙燻過嘅香味，作為前菜最適合不過😋。炸饅頭一共六粒，四粒金黃香脆，另外兩粒淺黃色，一睇就知炸唔夠透。饅頭沾上煉奶🥛實冇死，絕配中嘅絕配。又到左大閘蟹🦀季節，當然唔少得試下當造嘅蟹粉餸菜。除左小籠包之外，餐牌上仲有蟹粉豆腐煲，蟹粉河蝦仁🍤。小籠包皮薄之餘咬落多汁，一隻湯匙🥄先勉強裝得着，而且蟹膏香味濃郁，幾推薦大家試下蟹粉整嘅菜式。到左最期待嘅口水雞🐔同水煮魚🐟。口水雞就夠曬香辣，不過雞肉偏鞋。水煮魚望落夠曬澎湃，睇落好多辣椒🌶️，實則一丁點辣味都冇，又冇麻辣香又淡而無味🤢。最討厭就係魚肉上嘅鱗打唔清😡，底下嘅粉亦唔煙韌，食落偏淋。整體黎講，好多失望位，每道菜幾乎都總有唔好嘅地方。.📍蒲東小館油麻地彌敦道555號九龍行地下3號舖🚇油麻地站A1出口