咖吔

營業中

休息中

假日路經沙田附近，搜尋大型連鎖以外的茶餐廳選擇，眼見咖吔有星馬菜選擇，價錢$70以內，不妨一試。剛好正值靜場時段，員工禮貌、招呼語句做足，感覺到是經過用心訓練；餐廳環境整潔企理，坐得舒服，茶餐時段俾客嘅應有感覺都齊備，值得一讚。記得之前嚟食過海南雞、喇沙兩款招牌菜，今次就試檳城蝦麵配馬來拉茶，測試有無驚喜。檳城蝦麵 - 外觀吸引，蝦湯濃度唔夠，較為失色。蝦同其他配料只屬正常發揮，吸了淡味湯後，沒有給予到我任何記憶點要再次返嚟食。馬來拉茶 - 口痕想飲凍野而選擇了少甜，試出茶味都係偏淡，飲熱嘅可能會比較適合。因味道關係，$70埋單感覺略貴。原先打算嚟個濃味茶餐配合假期，豈料最終失望收場，下次都係揀返招牌菜開心啲。