影片
更多
2025-04-16
0 瀏覽
今晚早咗收工，可以去打邊爐輕鬆吓。既然要輕鬆，最好就係搵放題。但放題之餘，我仲想要靚肉靚刺身靚海鮮，最好有埋雞煲烤魚😆，得唔得呢？淥鼎記當然咁多嘢想食，要全部都”放題”，其實根本食唔到。比較好嘅平衡就係好似觀塘嘅淥鼎記咁，一個set，$378，就包咗六選一嘅主菜(雞煲/烤魚/酸菜魚等)，再跟一個湯底、手切肥牛、海鮮拼盤，跟住仲可以無限量叫包括海鮮嘅火鍋配料…嚟到佢嘅環境係幾寬闊，而且以放題店嚟講都算乾淨企理。首先會嚟一份刺身，唔好睇小火鍋店嘅刺身，包括象拔蚌同帶子在內都係非常肥美。跟住喺六揀一嘅主菜入邊我哋揀咗藤椒烤魚。呢個烤魚除咗有豐富嘅麻香，同少少辣味，真係可以令到人係咁食。之後我哋揀咗花膠美人鍋。入邊有大大塊嘅花膠，而且啲湯係幾夠味。跟住就有一份頂級手持牛拼盤。呢個牛拼盤係相當好食，每一塊都係油香、質感、牛味兼備，係極高質素嘅火鍋牛肉。當然唔夠嘅話，仲可以叫無限量嘅安格斯極佳級肥牛。仲未完，跟住仲會上一份豪華海鮮拼盤。非常標準嘅沙白、海蝦、帶子、鮑魚同生蠔。我哋一樣食完又一樣，其實已經幾飽😆。但講到呢度都仲未出去自助區度拎火鍋配料。火鍋配料嘅水餃同雲吞睇落都唔錯，不過我哋已經開始
淥鼎記
當然咁多嘢想食，要全部都”放題”，其實根本食唔到。比較好嘅平衡就係好似觀塘嘅淥鼎記咁，一個set，$378，就包咗六選一嘅主菜(雞煲/烤魚/酸菜魚等)，再跟一個湯底、手切肥牛、海鮮拼盤，跟住仲可以無限量叫包括海鮮嘅火鍋配料…
嚟到佢嘅環境係幾寬闊，而且以放題店嚟講都算乾淨企理。首先會嚟一份刺身，唔好睇小火鍋店嘅刺身，包括象拔蚌同帶子在內都係非常肥美。跟住喺六揀一嘅主菜入邊我哋揀咗藤椒烤魚。呢個烤魚除咗有豐富嘅麻香，同少少辣味，真係可以令到人係咁食。
之後我哋揀咗花膠美人鍋。入邊有大大塊嘅花膠，而且啲湯係幾夠味。跟住就有一份頂級手持牛拼盤。呢個牛拼盤係相當好食，每一塊都係油香、質感、牛味兼備，係極高質素嘅火鍋牛肉。當然唔夠嘅話，仲可以叫無限量嘅安格斯極佳級肥牛。
仲未完，跟住仲會上一份豪華海鮮拼盤。非常標準嘅沙白、海蝦、帶子、鮑魚同生蠔。我哋一樣食完又一樣，其實已經幾飽😆。
但講到呢度都仲未出去自助區度拎火鍋配料。火鍋配料嘅水餃同雲吞睇落都唔錯，不過我哋已經開始食唔落，淨係拎咗啲牛柏葉、鵝腸同鹹蛋黃丸😆。
喺呢個時候我哋先發現原來仲有QR code嘅嘢食…包括唔同嘅肉類、海鮮、丸類都有得無限量落order，實在太得人驚。再行出去飲品櫃，睇住入邊嘅竹蔗茅根、維他奶等等，已經要投降了。
好彩佢嘅甜品只係一人一份嘅Häagen-Dazs雪糕…不過其實我哋已經唔係好擺得落口，呢餐實在太豐富了！
張貼
