Owens (砵蘭街)

營業中

休息中

📍Owens（太子）今日晚餐朋友一齊過嚟食呢間cafe，真係好有驚喜！我哋叫作兩個set，不僅甜品出色，嘢食都好好味。🦀黃金蟹肉意大利飯呢個係超出想象嘅味道，蟹肉好多可以食到鮮味，同返混合得好好，最突出嘅係佢加咗好多鹹蛋黃，仲可以食到蛋黃顆粒，同蟹肉真係好搭配，每一啖都係鹹香同蟹香，好邪惡亦好好味，私心推介！🥩美國安格斯肉眼牛扒 肉扒好厚好大一塊，要咗7成熟，燒得夠火候，表面煎得焦香，牛味非常濃郁。配盤嘅薯仔亦好酥脆，好好味，配上燒汁、芥末，好搭配吖～🦑脆炸魷魚鬚 仲要咗小食，魷魚嘅味道好香濃，炸粉厚度啱啱好，配上沙律醬真係好正，如果要食小食推介大家食呢一個。▪️開心果麻薯提拉米蘇 呢個真心覺得好正，首先係可以食到開心果味，個cream好絲滑同純正，唔會特別甜，面頭啲開心果脆脆亦增加咗層次。手指餅乾係添加咗咖啡酒，一入口就可以品到一陣淡淡嘅酒味，入邊大塊麻糬都好煙韌，成個組合好出色。🍵伯爵茶麻糬捲蛋伯爵茶味度突出，中間嘅大塊麻糬仲會拉絲，成個甜品甜度唔好，但係結合得好好，非常好味。🧀芝士蛋糕 雖然睇落冇其他甜品咁精緻，但係味道一啲都唔輸，芝士非常絲滑，味道好濃郁。♡♡♡♡♡♡♡♡♡♡♡♡