華記潮州滷水車仔麵 (民興大廈)

營業中

休息中

有得揀先係老闆😎！呢一間車仔麵又好多選擇，地理位置超方便，地鐵站出口行3分鐘就到，😋上菜速度超快，唔使2分鐘就到晒，呢個效率真係啱晒打工仔放飯！🍜三餸車仔麵$52揀咗雞翼、豬腩肉同埋五香牛腩，配上油面，車仔麵嘅份量都唔少，滷水汁加腩汁，兩個汁溝埋好惹味，啱晒重口味嘅我！🐮牛雜麵 $48平時唔係好敢食牛雜麵，食完之後令到我對牛雜有啲改觀，尤其覺得牛肺幾好食，而且餐廳對處理內臟都清潔得好乾淨！🦐太陽蝦餅$43最令我印象深刻嘅就係呢一個蝦餅啦！蝦餅非常新鮮，即叫即炸，而且蝦肉好彈牙，食咗一份都唔夠，想食多一份！🐡新鮮魷魚鬚$50魷魚鬚係冷盤嚟嘅，調咗少少辣落去，食物份量好大，好惹味！