影片
更多
2024-07-13
529 瀏覽
見我呢個咁聳動嘅標題，就知道我有幾鍾意佢啲甜品🤯。舖頭位置好好，勁近太子站，當日大概七點幾鐘開始食，冇幾耐全場真係爆晒棚，所以真係訂枱或者早少少過嚟食會好啲。食完之後就覺得呢個價錢真係完全冇得輸，列入我嘅canteen list之一。‣ 精選二人套餐 $408· 是日餐湯 ＆ 飲品佢嘅餐湯係忌廉薯仔湯，啲薯仔都煮到融化成泥嘅質感，但係你唔會覺得好嚡口，口感依然順滑，唔會覺得太過濃稠，啱啱好。飲品我哋就分別嗌咗柚子蜂蜜同埋香茅生薑蜜，我幾鍾意佢嘅香茅生薑蜜，飲落去夠晒養生之餘，會令到我諗返起係泰國做完Spa之後飲嘅嘢，幾chill。· 煙三文魚沙律因為佢上菜都幾快，事後先發覺我好快就清咗兜沙律都唔記得咗影相。煙三文魚沙律都幾新鮮，記得每人都有幾塊三文魚落口，作為前菜嚟講，我覺得份量啱啱好。不過眼見隔離枱嘅生蠔都好正，如果唔係為咗身體健康啲😤，我應該會揀生蠔。· 意式白酒煮蜆 ＋$38其實就係望到隔離有生蠔，偷聽到都話好好食，諗住唔嗌炸蠔咁邪惡，清清地不如加個煮蜆。想講我覺得餐廳嘅海鮮真係處理得相當唔錯，佢嘅白酒湯汁鮮甜，有淡淡嘅酒香之餘又唔會俾啲海鮮過分搶咗陣味，對我嚟講係幾驚喜。蜆肉質
‣ 精選二人套餐 $408
· 是日餐湯 ＆ 飲品
佢嘅餐湯係忌廉薯仔湯，啲薯仔都煮到融化成泥嘅質感，但係你唔會覺得好嚡口，口感依然順滑，唔會覺得太過濃稠，啱啱好。飲品我哋就分別嗌咗柚子蜂蜜同埋香茅生薑蜜，我幾鍾意佢嘅香茅生薑蜜，飲落去夠晒養生之餘，會令到我諗返起係泰國做完Spa之後飲嘅嘢，幾chill。
· 煙三文魚沙律
因為佢上菜都幾快，事後先發覺我好快就清咗兜沙律都唔記得咗影相。煙三文魚沙律都幾新鮮，記得每人都有幾塊三文魚落口，作為前菜嚟講，我覺得份量啱啱好。不過眼見隔離枱嘅生蠔都好正，如果唔係為咗身體健康啲😤，我應該會揀生蠔。
· 意式白酒煮蜆 ＋$38
其實就係望到隔離有生蠔，偷聽到都話好好食，諗住唔嗌炸蠔咁邪惡，清清地不如加個煮蜆。想講我覺得餐廳嘅海鮮真係處理得相當唔錯，佢嘅白酒湯汁鮮甜，有淡淡嘅酒香之餘又唔會俾啲海鮮過分搶咗陣味，對我嚟講係幾驚喜。蜆肉質地紮實彈牙，難得地係會想食完再嗌嘅前菜。
· 龍蝦汁虎蝦闊條麵
個虎蝦就係餐廳嘅「正常發揮」，咬落去嘅時候口感相當Q彈，真係推薦大家嚟呢到食海鮮。而龍蝦汁調味啱啱好，你食到海鮮嘅鮮味之餘，唔會覺得太過鹹，食完都唔會覺得太口渴。正因為佢嘅調味唔會好重手，所以都唔會太快就覺得好膩，再加上我哋仲有個牛扒未上，所以我覺得都幾唔錯。
· 美國安格斯肉眼牛扒
如果真係要比較，闊條麵同埋牛扒我就鍾意牛扒多啲，可能因為自己都係食肉獸，希望可以食肉瘦😋。每次我都嗌medium，我都好開心餐廳真係可以做到medium，唔會做到七成熟。肉質鮮嫩多汁，而且本身塊扒油脂均勻，唔會過分肥膩，煎又煎得啱啱恰到好處，我自己覺得唔點任何醬就咁食都已經好好食。
· 開心果麻糬tiramisu ＋$48
‼️超級好食‼️可能你會覺得我勁誇張，我真係勁鍾意佢開心果味嘅mascarpone cheese，佢唔會搶咗原本芝士嗰浸味，但係你每一啖都食到開心果味，平衡得好好。我覺得佢嘅tiramisu偏重酒香味，但係我都幾鍾意，佢嘅手指餅嘅濕潤程度啱啱好。如果你問我點解我會極力推薦，冇得講我覺得佢嘅麻糬真係幫呢個甜品加咗唔少分，煙韌得嚟夠軟糯，成件事超級impressive，唔食真係會後悔，我下次再嚟一定一定一定會嗌伯爵茶。
· Owens 牛角窩夫伴雪糕
首先講明我係一個好鍾意Croffle嘅人，所以本身個套餐已經包Croffle我覺得係一件超級開心嘅事情。作為一個跟餐嘅甜品，我覺得冇嘢好挑剔㗎啦，Croffle本身夠脆，連埋隔離啲脆片真係脆上加脆，爆脆。雲呢拿雪糕都係錦上添花，但係俾我嘅話我一定加錢加爆佢，嗌多啲甜品嚟食。
‣ 自家製蛋糕 $48
今次自家製蛋糕揀咗「紫薯芋泥麻糬卷蛋」，因為男朋友都幾鍾意食芋泥，佢話下次先俾我食伯爵茶。雖然我自己個人唔係特別喜好芋頭類產品，但係我都覺得好好食❗️卷蛋比較重芋頭味，蛋糕本身口感輕盈柔軟，濕潤感啱啱好，佢嘅甜度都恰到好處。我覺得個焦糖餅就純粹係幫佢嘅外型加分，佢本身嘅存在都係可有可無，同啲脆脆一樣。男朋友就幾鍾意個卷蛋，我就超鍾意tiramisu，食完覺得超級滿足，好後悔冇嗌多幾個甜品一次過食晒佢。
張貼
