雲壽司 (已結業)

今次終於食到一直都好想食嘅壽司鋪-雲壽司！餐廳係香港島有兩間分店，今次終於進軍九龍區，係太子開左新分店！餐廳空間唔算大，裝修燈光光猛。我地係坐係吧枱到欣賞壽司師傅工作，享受壽司，幾有去左日本旅行嘅感覺～餐廳主打親民價錢嘅壽司，今次就叫左佢地嘅特上刺身拼盤同自選壽司10件～～🔻特上刺身拼盤味道：8/10價錢：$380呢個拼盤有吞拿魚腩，牡丹蝦，海膽，赤貝， 深海池魚同真鯛。吞拿魚肉質肥美，食落幾香。牡丹蝦蝦肉鮮甜。赤貝食落幾爽口，唔錯～不得不提佢個海膽！佢個海膽creamy得黎又好鮮甜，真係好好食～🔻自選壽司10件味道：8.5/10價錢：$17810件有：三文魚腩，油甘魚，吞拿魚，真鯛，池魚，火灸金線鯛，帆立貝，火灸帆立貝，甜蝦和蔥吞拿魚腩軍艦。三文魚腩肉質肥美，好好食。真鯛，池魚兩隻食落口都好有鮮味。平時我最鐘意嘅蔥吞拿魚腩軍艦都非常好食，勁多吞拿魚腩蓉！總結黎講，雲壽司係一間性價比好高嘅壽司鋪，有機會我一定會再去食！