朝

營業中

休息中

尼日出到嚟旺角行街 平時最怕就係係旺角試嘢食 因為實在太多伏食🤣🤣🤣 於是呢日就決定搵下太子區嘅小店 🤓🤓🤓 個人首先嘅推介就係水菜忌廉沙律🥗 香港比較少餐廳有水菜食🧐🧐 用水菜配忌廉芝士就更加少之又少😕😕 冇諗過呢個組合再配埋新鮮焗起脆卜卜嘅麵包粒食起上嚟真係幾滋味😋😋🥰🥰食完沙律 食日本菜又點少得叫下刺身呢😛😛 叫咗一份海膽同中拖羅 兩款刺身都令我同男朋友讚口不絕👍👍👍 質素新鮮程度拍得住上次去台灣食過嘅廚師發辦🤩🤩 試完刺身 嚟居酒屋當然唔少得要叫啲串燒嚟試下🍢🍡 最有驚喜嘅首選就係雞頸肉😍😍😍燒得超香調味啱啱好 入口相當嫩滑😋😋第二樣個人最喜愛嘅就係舞茸菇🤣🤣菇菌本身已經燒得相當夠味 再配埋上面嘅木魚碎就更加加分😋😋😋 第三項我覺得係比較特別嘅菜式 就係豚肉菜包卷🤩🤩生菜包起燒五花肉 感覺有啲韓國燒烤嘅影子🐖🐖🐖 出現係日本菜真係比較少見阿😲😲😲 最後要一讚嘅菜式就係燒珍寶大虎蝦🦐🦐燒海鮮嘅新鮮程度拍得住刺身嘅水準💦💦 虎蝦真係相當珍寶 成隻手掌咁大 蝦膏相當鮮味🤣🤣