影片
更多
2025-03-11
332 瀏覽
今日收工同老公撐枱腳, 行去太子食飯; 今次係我第二次食呢間, 好耐以前係長沙灣食過, 都覺得佢質素高之餘又好抵食。呢間餐廳主打東南亞菜式, 平時都多人食呀! 今日見唔洗等就即刻入啦。獅城芽菜走地雞飯配冬瓜雞雜湯 – $95走地雞肉質嫩滑有口感, 好滑好鮮嫩, 味道很香。雞件做了去骨處理, 食得好方便, 啖啖肉呀! 雞面上灑有蒜酥, 陣陣蒜香味, 點埋3款海南雞醬料食, 更加惹味。低下鋪滿爽脆芽菜, 吸哂雞油香, 再配上一碗油飯, 飯粒分明又帶些黏口, 套餐附有一碗雞雜冬瓜湯, 有少量雞胗同雞肝, 幾大碗又清甜。龍蝦叻沙摻摻 - $110龍蝦叻沙摻摻更是令人驚喜！足足有半隻既龍蝦, 龍蝦肉好彈牙好新鮮; 叻沙湯底香濃, 鹹中帶微辣, 頗為惹味, 龍蝦肉同香辣嘅湯底好夾, 而且啲粉麵係吸哂啲湯汁, 令每一口都充滿了海鮮味。摻摻粉麵的份量都幾多, 米粉配油麵, 麵條掛湯, 口感豐富, 仲有豆卜, 魚片, 魚旦, 芽菜等配餸, 大大碗, 份量十足。特色小食拼盤 - 跟餐加配$49套餐可以半價加購小食, 我地要咗個小食拼盤, 有雞翼, 泰式魚餅, 脆炸鳳尾, 蝦春卷同豬肉串; 雞翼炸到外脆內軟
獅城芽菜走地雞飯配冬瓜雞雜湯 – $95
走地雞肉質嫩滑有口感, 好滑好鮮嫩, 味道很香。雞件做了去骨處理, 食得好方便, 啖啖肉呀! 雞面上灑有蒜酥, 陣陣蒜香味, 點埋3款海南雞醬料食, 更加惹味。低下鋪滿爽脆芽菜, 吸哂雞油香, 再配上一碗油飯, 飯粒分明又帶些黏口, 套餐附有一碗雞雜冬瓜湯, 有少量雞胗同雞肝, 幾大碗又清甜。
龍蝦叻沙摻摻 - $110
龍蝦叻沙摻摻更是令人驚喜！足足有半隻既龍蝦, 龍蝦肉好彈牙好新鮮; 叻沙湯底香濃, 鹹中帶微辣, 頗為惹味, 龍蝦肉同香辣嘅湯底好夾, 而且啲粉麵係吸哂啲湯汁, 令每一口都充滿了海鮮味。摻摻粉麵的份量都幾多, 米粉配油麵, 麵條掛湯, 口感豐富, 仲有豆卜, 魚片, 魚旦, 芽菜等配餸, 大大碗, 份量十足。
特色小食拼盤 - 跟餐加配$49
套餐可以半價加購小食, 我地要咗個小食拼盤, 有雞翼, 泰式魚餅, 脆炸鳳尾, 蝦春卷同豬肉串; 雞翼炸到外脆內軟, 又juicy; 泰式魚餅味道有少少辣味同香草味; 鳳尾蝦春卷炸得非常酥脆。豬肉串口感鬆軟, 都好惹味。配埋少少酸辣嘅冬陰功醬食就好滋味啦。
乳酸蝶豆花梳打 - 跟餐加$18
特飲加$18就有, 呢個飲品都比較特別, 蝶豆花紫藍夢幻顏色非常靚, 少少甜甜好似益力多味, 幾開胃㗎, 女士們打卡啱哂。
另一杯叫咗凍檸茶都係加$12
張貼
