野見拉麵

營業中

休息中

平時夜晚7點 已經排嗮長龍 有試過中午去到賣嗮拉麵而早收🍜🫨 搞到我好好奇 要去試試！ 餐廳唔係超級大 大概有10個吧位 + 8-10個座位 只有一個廚師+2位侍應 但係上菜效率依然好高 有落單到離開 應該少過一個鐘拉麵湯底有3款（1）雞白湯 （2）雞鹽味（3）雞醬油味🐔 每款都好吸引！➡️雞白湯好似係最多人叫 湯底打到氣泡🫧 雞湯味好濃郁又滑 飲落滿滿的骨膠原 但湯底未去到超厚 ➡️ 雞鹽湯相對上無咁heavy 湯底有少少似中菜既燉雞湯麵 無雞白湯咁creamy但反而雞味更加濃郁 ➡️拉麵好似係用左小麥粉整 幼麵非常掛湯 如果要加麵都係$15 但係可能會有少少唔夠湯🥹➡️ 配料：- 全部都好高質！我最鍾意係個薄切叉燒😍 每人有一塊 好寶貴架🫶🏻 肥瘦均衡 豬肉味好香 就算係肥肉都好正 好似有少少jelly狀- 慢煮雞胸肉好嫩 唔會鞋 仲有微微的煙芬味- 日本流心蘭王蛋煮到剛好 有流心 仲有好香的味霖🥚- 營養均衡仲有兩條菜蘆筍+粟米🌽 總括而言 個人認為味道價錢好合理 的確係一碗高質拉麵 我同我朋友一直認同排大概30-40分鐘可以接受的💖味道：🐔🐔🐔🐔/5 📍野見拉麵(香港)地址: 香港太子