野見拉麵

點咗個蝦湯拉麵，因為冇要叉燒所以另外加咗個雞肉同埋替玉。店員冇乜🙈🙈記性，問咗我三次個替玉係即上定後上，我己重覆講左三次都話即上，但係佢哋都等我食完晒第一個面先至上，到佢上嗰陣時啲湯都差唔多飲完，店家又拒絕❌加湯/熱水都冇拉麵又亁又硬，都冇乜心機食。個湯唔係之前啲人講到咁好飲，一啲味道都冇，雞肉同蛋到好似白烚。😭😭😭…查看更多

天氣好似有少少涼，最適合就係食一碗熱辣辣嘅湯麵🍜📌我好鍾意雞湯拉麵，感覺上無豬骨湯底咁肥😂📌野見拉麵提供3款湯底，分別係雞白湯、雞鹽湯同雞醬油🥳📌拉麵方便選用咗幼身拉麵麵條，我唔夠專業，不過認為係中細捲麵🥹📌因為減緊磅嘅關系，每一日都會計住自己可以食幾多卡路里，而呢碗雞鹽湯拉麵好適合我😋📌呢碗拉麵我選擇咗唔要叉燒，所以碗麵只見到有雞胸肉，而我額外加咗一份雞胸肉🐔📌每碗湯底都係師傅即刻盡碗盡碗加熱煮滾，放湯落碗嘅時候會加一羹油🥄📌拉麵呈上嚟嘅時候我試飲咗一啖湯，但係因為d湯係熱辣辣所以我唔小心焫親條脷，建議大家食頭幾啖拉麵嘅時候吹一吹先😌📌呢碗拉麵的確好啱我，不過下次食嘅時候我會叫佢落少d油同將d拉麵煮硬少少(純粹我個人喜歡硬麵)😌…查看更多

太子柏樹街嘅隱世拉麵店，裝修簡潔舒服，有少少日式小店感覺，氣氛好 chill。主打自家湯底，蝦味同雞白湯都好受歡迎，真係食過就回味💯🌟 蝦拉麵一上枱已經聞到濃郁蝦香🦐，湯底鮮甜帶少少海水味，好有層次，入口好滑順。麵條掛湯力強，彈牙度啱啱好，加埋叉燒一齊食，成碗好滿足🥰🥰🌟 雞白湯拉麵湯底超 creamy 🥛，雞味濃郁但完全唔油膩，飲到最後都唔會覺得 heavy。麵質爽口彈牙，湯同麵完美融合，雞叉燒嫩滑 juicy，食到停唔到口🔥另外配有嘅溏心蛋亦都好高質！！流心軟滑帶少少鹹香，配湯一流同蔥花，平衡咗味道層次，成碗麵更加豐富🤩🤩…查看更多

🐔雞白湯拉麵$98.湯底Creamy 香滑 非常濃郁🥰但係又唔會有雞既臊味比起座銀 同 屯門嘅道 淡啲啲但容易入口飲晒成碗湯都唔會覺得好膩🥰.拉麵採用咗細麵（幼）掛湯能力高 但口感上偏軟腍.🐔雞白湯醬油拉麵$108.湯底平衡到醬油嘅鹹鮮同埋雞味既肉香飲晒成碗都唔會覺得好鹹😛.中意食雞白湯拉麵既 可以一試❤️‍🔥…查看更多

怕雞白湯會好濟所以揀咗鹽味同醬油味醬油味則較為霸道 蓋過了雞的鮮味個人更喜歡鹽味鹽味湯底較為清爽 雞味更突出拉麵麵質有咬勁 爽彈 是我喜歡的質感而慢煮雞胸及叉燒也很好吃 很嫩滑…查看更多

每次經過太子都好想去試野見🍜，但見到條長長人龍就卻步。今次的起心肝想試，所以專登早咗去排隊，排咗20分鐘就有得入。Menu好簡潔，得雞白湯、雞鹽味、雞醬油三款麵揀，今次為雞白湯而嚟，當然亳無疑問直接揀佢！🐥🍜雞白湯拉麵拉麵附有雞胸肉、叉燒、味玉、少許蔬菜。湯底乳白濃郁，入口順滑唔油膩。麵條有肉眼可以嘅小麥顆粒，但掛湯力一般。雞胸肉好surprise，食落完全唔鞋，非常軟滑。美中不足係份量有啲少，女仔都只係勉強夠飽🫣…查看更多

見啲人講到天上有、地下無咁專登過海去食真係唔明點解會係排隊店雞醬油湯嘩！味道十足公仔麵嘅湯、好鹹，得個鹹字食完勁口渴雞鹽味拉麵淨係食到鹹味⋯完全都無雞味又係好似味精湯咁、係我回憶裡嘅雞蓉味雞白湯拉麵三款之中算係正常、但湯唔濃絕對唔係傳說中講到咁好食、好食到要排隊咁lor隻蛋都做到溏心、但無味性價比唔高題外話：兩大兩細叫4碗、預左小朋友食唔晒小朋友7歲，平時兩個小朋友share一碗、好多拉麵店都ok但呢度問左唔可以、話要一人一碗。咁我地就叫左四碗（兩個雞白湯、一個雞醬油、一個雞鹽拉麵）自備左盒都話唔比帶走個waitress 話食剩都唔可以帶走我比錢買左碗麵、碗麵唔係我？！仲要無寫明唔比帶走、個職員自己up…查看更多

今天專程到太子「野見拉麵」探店，店鋪位於柏樹街6號地舖，地方不大，僅能容納約16人，卻充滿溫馨的日式氛圍。我點了一碗招牌雞白湯拉麵（$98），一上桌便聞到濃郁香氣，湯底乳白醇厚，口感綿密，每一口都感受到師傅熬煮的用心與時間。麵條軟硬適中，掛湯力強，搭配低溫慢煮的叉燒，整體非常出色。食完拉麵後意猶未盡，追加了一碗雞胸粥（$28）。粥品清淡卻不失鮮美，雞湯底清甜順口，雞胸肉足足有四片，嫩而不柴，為這一餐畫上完美句號。雖然店小，但食物質素極高，絕對值得再訪！**店舖資訊：** 野見拉麵 地址：太子柏樹街6號地舖…查看更多

唔講唔知🫣太子開左間主打雞白湯拉麵🍜地鐵站🚇行過去@3mins排左@30mins建議大家早啲去排隊叫左雞白湯拉麵🍜 $98附有:雞胸肉/叉燒/味玉/香蔥拉麵唔會好鹹 份量幾多👍🏻湯底都幾好味加埋個流心溫泉蛋 好正🤪…查看更多

📍 整體評價：4.3/5 (會為了這碗湯回頭！)身為拉麵控，今次專登去試咗呢間人氣幾高嘅「野見拉麵」。主打嘅雞白湯拉麵果然名不虛傳，濃厚得嚟唔會死鹹，配上經典配料，簡直係絕配！🍜 雞白湯底 (靈魂所在！) - 4.5/5 一上枱已經聞到超香濃嘅雞湯味。湯底呈現奶白色，口感順滑綿密，好似飲緊一碗超濃郁嘅奶油蘑菇湯，但係充滿咗雞嘅鮮甜味。每一啖都掛滿喺麵條上，味道層次豐富，飲完唔會覺得口渴，證明真材實料，唔係味精湯。絕對係全碗麵嘅精髓！🐖 豚肉 - 4/5 採用低溫慢煮嘅方式，肉質非常軟嫩，幾乎入口即化。脂肪同瘦肉比例適中，浸喺熱湯裡面微微融化，增添咗油香，但又唔會過份油膩。同濃厚嘅雞白湯非常夾。🥚 塘心蛋 - 4.5/5 絕對係畫龍點睛！蛋黃呈完美的琥珀色流心狀態，一篤穿，濃稠嘅蛋漿即刻流出。將蛋漿同本身已經好creamy嘅雞白湯混合，湯頭瞬間變得更加香滑濃郁，口感再升級！蛋味香濃，醃得入味，必點配料！🌽 玉米筍 - 4/5 呢個配搭好聰明！本身濃湯拉麵需要一啲清爽嘅元素平衡。玉米筍清甜爽脆，正好可以中和一下濃湯嘅厚重感，咬落嗦嗦聲，增加咗口感同清新感，令人食完成碗都唔覺滯。🍜 麵條 - 4/5 揀咗佢哋推薦嘅中粗直面，硬度要咗普通。麵身有咬口，彈牙有韌性，而且非常掛湯，每一箸都能帶上大量濃郁的湯汁，正！🍽 環境與服務： 典型日式拉麵店格局，座位有少少逼。服務效率高，落單快上菜快，乾淨企理。…查看更多

呢間太子人氣拉麵經常排長龍，夜晚6:15開鋪時間去到居然可以直接入座😌 全店唔賣小食，只專注拉麵質量~🍜今次試左雞白湯以外兩款清湯底：醬油嘅鹹香混合鮮甜雞湯，茶色湯底上面見到一層好靚嘅雞油，但入口無油膩感，更帶有回甘甜韻💯另一款雞鹽味湯底飲落較柔和淡身，層次比醬油湯稍為單一，但勝在清新不膩，飲晒成碗湯底都唔會口渴👌🏻配料有慢煮雞胸肉同半熟叉燒，雖然偏薄但肉質處理得非常嫩滑軟腍，肉汁飽滿！仲有鋪面嘅新鮮香蔥同流心效果可以更好啲嘅味玉🥚 麵底係嘅幼直中太麵，帶淡淡麥香同粒感🌾 但質感偏腍唔夠爽口。整體CP值高，相信好快會再去試佢嘅招牌雞白湯✨…查看更多

野見📍 旺角通菜街75-77號地舖┄┅┄┅┄┅┄┅┄┅┄┅┄┅┄┅┄真人實測平日7點正到 半個鐘就可以入座絕對值得排(｡ì _ í｡)▫️ 雞白湯拉麵($98)湯底比較重膠質第一下飲落有啲似花膠雞湯🤣雞胸肉顛覆我想像完全唔鞋但又好重雞胸味🤯豚肉叉燒大大片 肉質柔軟拉麵用咗幼麵 十分掛湯配菜粟米仔好甜！拉麵包埋糖心蛋 唔使額外加(⁎⁍̴̛ᴗ⁍̴̛⁎)最後個湯真係越飲越好味🥹輕鬆清碗┄┅┄┅┄┅┄┅┄┅┄┅┄┅┄┅┄…查看更多

閒日夜晚六點三，成功做到第一輪，只有一個師傅煮麵，不過都好快手，我地由落單到食完走人，前後半個鐘，出返去門口已經有條龍，不過相信流動率都高😱▪️雞白湯拉麵 （8/10）💲98面頭有層薄身泡沫，並非厚稠嗰種，但入口係濃而不膩😛啲雞胸肉幾出色，肉質軟腍之餘雞味突出，薄切叉燒色澤粉嫩，味玉溏心效果唔錯，且有蛋黃香，幼身麵條偏挺硬，掛湯力不足，同埋份量較少，男士們未必夠飽🤓▪️雞醬油拉麵 （7/10）💲108湯頭有層雞油，但雞味被比下去，反而醬油味重，感覺比較鹹，麵條比上者更爲幼直身，其餘配料一樣🫣🔎 整體評分（7.5/10）…查看更多

【大排長龍人氣拉麵店🇯🇵🍜主打雞白湯拉麵】終於有機會試到評價好高嘅拉麵店 當日夜晚去到大約等咗45分鐘~店內座位唔多 裝潢簡約 好有日本feel🇯🇵✧ 雞白湯拉麵🐓🍜 | $98湯底口感順滑 creamy濃稠但唔膩 鮮香味同鹹味平衡得好好✨配料有誠意 慢煮雞胸肉嫰滑 薄切叉燒粉嫩入味 油脂分布平均 溏心蛋煮得啱啱好 拉麵有淡淡嘅小麥味 可惜質地稍為遜色 有少少湯麵分離感🤏🏻整體係一碗相當有水準嘅拉麵~📍野見拉麵 (太子)💌太子柏樹街6號地舖…查看更多

呢排喺香港真係越嚟越多拉麵店，不過如果你問我有咩推介，太子野見既雞白湯拉麵我真係要講下。野見專做雞白湯拉麵，有3款揀，分別係雞白湯，雞鹽味，雞醬油，我第一次黎，揀左雞白湯，食完真係覺得唔講唔得。一坐低，侍應已經好快手送上拉麵，賣相好正，湯底奶白色，表面仲有一層泡沫，好吸引。聞落有淡淡雞香，未食已經流口水。雞白湯真係呢間店嘅靈魂，飲一啖湯，感覺到超濃郁雞味，但又唔會過鹹，完全唔油膩，飲得出用咗好多雞骨慢火熬製，啲湯好滑，入口好順。麵條方面，屬於偏硬身嗰種，掛湯力好高，每一啖都帶住湯底嘅精華，咬落仲有少少彈牙。配料都幾有誠意，有兩片雞叉燒，一片豬叉燒。半熟溏心蛋好正，蛋黃流心，味道帶少少鹹香，配埋湯底一齊食更加突出層次。仲有粟米筍同蔥花，清新得嚟又唔會搶味，做咗個好好嘅平衡。成碗拉麵食落去，唔會覺得膩。個人覺得呢間野見雞白湯拉麵CP值幾高，份量足，味道有層次。唯一小小建議就係如果多d湯就好，我加左個替玉，食完第一個麵d湯已經差唔多到底，仲要個碗係上闊下窄，最後要就住就住黎食。不過整體嚟講，真心推介畀鍾意雞白湯拉麵嘅朋友，下次想食拉麵記得去試下！…查看更多