野見拉麵

營業中

休息中

呢間太子人氣拉麵經常排長龍，夜晚6:15開鋪時間去到居然可以直接入座😌 全店唔賣小食，只專注拉麵質量~🍜今次試左雞白湯以外兩款清湯底：醬油嘅鹹香混合鮮甜雞湯，茶色湯底上面見到一層好靚嘅雞油，但入口無油膩感，更帶有回甘甜韻💯另一款雞鹽味湯底飲落較柔和淡身，層次比醬油湯稍為單一，但勝在清新不膩，飲晒成碗湯底都唔會口渴👌🏻配料有慢煮雞胸肉同半熟叉燒，雖然偏薄但肉質處理得非常嫩滑軟腍，肉汁飽滿！仲有鋪面嘅新鮮香蔥同流心效果可以更好啲嘅味玉🥚 麵底係嘅幼直中太麵，帶淡淡麥香同粒感🌾 但質感偏腍唔夠爽口。整體CP值高，相信好快會再去試佢嘅招牌雞白湯✨

野見📍 旺角通菜街75-77號地舖┄┅┄┅┄┅┄┅┄┅┄┅┄┅┄┅┄真人實測平日7點正到 半個鐘就可以入座絕對值得排(｡ì _ í｡)▫️ 雞白湯拉麵($98)湯底比較重膠質第一下飲落有啲似花膠雞湯🤣雞胸肉顛覆我想像完全唔鞋但又好重雞胸味🤯豚肉叉燒大大片 肉質柔軟拉麵用咗幼麵 十分掛湯配菜粟米仔好甜！拉麵包埋糖心蛋 唔使額外加(⁎⁍̴̛ᴗ⁍̴̛⁎)最後個湯真係越飲越好味🥹輕鬆清碗┄┅┄┅┄┅┄┅┄┅┄┅┄┅┄┅┄

閒日夜晚六點三，成功做到第一輪，只有一個師傅煮麵，不過都好快手，我地由落單到食完走人，前後半個鐘，出返去門口已經有條龍，不過相信流動率都高😱▪️雞白湯拉麵 （8/10）💲98面頭有層薄身泡沫，並非厚稠嗰種，但入口係濃而不膩😛啲雞胸肉幾出色，肉質軟腍之餘雞味突出，薄切叉燒色澤粉嫩，味玉溏心效果唔錯，且有蛋黃香，幼身麵條偏挺硬，掛湯力不足，同埋份量較少，男士們未必夠飽🤓▪️雞醬油拉麵 （7/10）💲108湯頭有層雞油，但雞味被比下去，反而醬油味重，感覺比較鹹，麵條比上者更爲幼直身，其餘配料一樣🫣🔎 整體評分（7.5/10）

【大排長龍人氣拉麵店🇯🇵🍜主打雞白湯拉麵】終於有機會試到評價好高嘅拉麵店 當日夜晚去到大約等咗45分鐘~店內座位唔多 裝潢簡約 好有日本feel🇯🇵✧ 雞白湯拉麵🐓🍜 | $98湯底口感順滑 creamy濃稠但唔膩 鮮香味同鹹味平衡得好好✨配料有誠意 慢煮雞胸肉嫰滑 薄切叉燒粉嫩入味 油脂分布平均 溏心蛋煮得啱啱好 拉麵有淡淡嘅小麥味 可惜質地稍為遜色 有少少湯麵分離感🤏🏻整體係一碗相當有水準嘅拉麵~📍野見拉麵 (太子)💌太子柏樹街6號地舖

呢排喺香港真係越嚟越多拉麵店，不過如果你問我有咩推介，太子野見既雞白湯拉麵我真係要講下。野見專做雞白湯拉麵，有3款揀，分別係雞白湯，雞鹽味，雞醬油，我第一次黎，揀左雞白湯，食完真係覺得唔講唔得。一坐低，侍應已經好快手送上拉麵，賣相好正，湯底奶白色，表面仲有一層泡沫，好吸引。聞落有淡淡雞香，未食已經流口水。雞白湯真係呢間店嘅靈魂，飲一啖湯，感覺到超濃郁雞味，但又唔會過鹹，完全唔油膩，飲得出用咗好多雞骨慢火熬製，啲湯好滑，入口好順。麵條方面，屬於偏硬身嗰種，掛湯力好高，每一啖都帶住湯底嘅精華，咬落仲有少少彈牙。配料都幾有誠意，有兩片雞叉燒，一片豬叉燒。半熟溏心蛋好正，蛋黃流心，味道帶少少鹹香，配埋湯底一齊食更加突出層次。仲有粟米筍同蔥花，清新得嚟又唔會搶味，做咗個好好嘅平衡。成碗拉麵食落去，唔會覺得膩。個人覺得呢間野見雞白湯拉麵CP值幾高，份量足，味道有層次。唯一小小建議就係如果多d湯就好，我加左個替玉，食完第一個麵d湯已經差唔多到底，仲要個碗係上闊下窄，最後要就住就住黎食。不過整體嚟講，真心推介畀鍾意雞白湯拉麵嘅朋友，下次想食拉麵記得去試下！

✿雞白湯拉麵 (雞白湯附有雞胸肉/叉燒/味玉/玉米筍/蘆筍)湯底色澤奶黃🟡質地帶微稠creamy🥣湯頭雞味濃郁仲帶點牛油香味😗入口順滑,但飲飲下會帶少許膩感🤓而麵條幼身質感彈牙😛但掛湯力較弱,容易食到麵條帶微微粉麥味🥸雞胸肉非常嫩滑,完全不乾鞋👏🏻叉燒薄切帶油脂香,脂肪比例平均分布😋肉質很不錯的～💫✿雞鹽味拉麵 淡淡雞味同鹽香🧂湯底質地較稀,帶微雞油香🐔飲落順口,但層次相對較單一👀還是雞白湯更值得試試🤪雞白湯拉麵 $𝟵𝟴雞鹽味拉麵 $𝟭𝟬𝟴

野見拉麵價錢: $98好味程度: 4/5服務🍴: 3.7/5環境🗾: 3.7/5性價比🥢: 4/5回頭率😚: 3.7/5-太子呢個拉麵區域，今次終於試到呢間野見拉麵。放假的lunch，等幾個人就入得。湯底都係得白湯、鹽味同醬油味3款。入面已經要齊雞胸、㕚燒同蛋。-✅雞白湯。通常有得揀我一定會係叫雞白湯！呢個湯有啲似金寶忌廉雞湯類型，唔算係泡沫系，色澤偏黃🤣偏濃稠厚杰，飲落口感好黏口，連唇邊都會有黐埋嘅感覺，係有熬煮過的濃厚質地😬 味道舒服唔太濃味，飲到啖啖雞鮮味。麵條偏幼，係睇得到小麥顆粒嘅麵條，掛湯能力高，但好容易就吸晒啲湯，有啲一patpat。慢煮叉燒脂肪比例幾好，食落冇肥膩感同怪味😋另一塊慢煮雞胸肉都嫩滑的，但個人覺得有啲雞腥味🙈 味玉100分，靚蛋黃+淡淡醬油香+流心程度🤩 另外仲有啲粟米仔同蘆筍做配菜。-整體都ok，但個人口味都係中意泓一的泡沫係雞白湯多啲。呢個比較似熬煮左好耐的雞湯。但如果唔洗排隊都很可以！

終於去咗試呢間人氣雞白湯拉麵!! 星期五晚18:20 去到已經大排長龍 等咗大概20分鐘師傅一人主理 只供3款拉麵 ─ ⊹ ⊱ what we had ⊰ ⊹ ─𓍯 雞白湯拉麵 - 4.5 / 5 $98 配料誠意十足 有慢煮雞胸肉 薄切叉燒 半熟溏心蛋 粟米芯 露筍入口清淡但雞味十足嘅湯底雞味濃得黎又唔會膩 飲落去好舒服好純粹嘅雞味 冇忌廉creamy 嘅感覺少咗一份濃稠口感 飲晒碗湯都唔會好油膩麵質偏硬身 咬落有少少小麥粒感慢煮雞胸肉質軟滑 唔會有雪藏雞味 煮得好腍叉燒薄切脂肪比例平均 肉味突出溏心蛋係半熟流心 蛋味香濃 仲帶淡淡醬油香─ ⊹ ⊱ tldr ⊰ ⊹ ─雞味香濃 口感唔會太creamy隻雞白湯拉麵 水準之作味道: 4.5 / 5價錢: ~ $ 100 pp服務: 3.5 / 5 環境: 3.5 / 5cp value: 4 / 5re-visit: yes

鐘意食雞白湯拉麵，見最近無咩人題就諗住搏下唔使排咁耐，平日18:30到都有十幾人排緊，不過條隊都消化得快，20分鐘到就入得🪑入面有吧枱同2人卡位，枱上面有射燈影相打卡幾靚，menu只有3碗麵，專心做好食物係唔需要太多選擇🐔雞白湯拉麵 （$98）單聞都有好香雞湯味，湯底濃郁，雞胸肉嫩滑，叉燒唔會太油膩，幼麵麵質掛汁，整體唔錯，不過份量相對小啲

旺角太子 柏樹街 野見拉麵雞醬油拉麵+替玉+可樂+冰凍飲用水由於位置方便，如果有時間，都會走到野見拉麵吃，早點時間去都會有空座，不用等候可以直入，但稍晚一點去就會有長長排隊的人龍。野見拉麵麵款不多，分別是雞白湯拉麵、雞盬味拉麵及雞醬油拉麵，出品一向水準相當穩定，客人入到店內，日式裝潢加上燈光昏喑，令食客彷彿入到另一個空間，視綫只專注於光猛的廚房，看著廚工勤力的工作。拉麵全都用潔白的拉麵碗盛載，更感吸引好吃。主廚只得一人，有時一旦同一時間處理多碗拉麵，或長期處於滿客狀態，主廚的精神就會繃緊疲憊，製作有時會變得急促，幸好主廚沒有偷懶，工序沒有缺少。野見拉麵的雞白湯拉麵不容錯過，十個客人會有七個客會點，雞盬湯拉麵是拉麵愛好者會選擇，絕對是水準之作。至於今次我選的雞醬油拉麵可以一試，醬油味雖然未見太突出，但雞叉燒不俗。食完結帳才發現野見有蝦湯拉麵供應，下次再來野見會試一下。

一入去就聞到雞湯味🤤好多餐廳就算係開放式廚房都未必會聞到佢嘢食嘅香味有三款湯可以揀我揀左雞白湯🐔我本人比較鍾意飲白色嘅湯😂飲落去creamy🤤會忍唔住會係咁想飲😚我好鐘意佢個雞胸好滑同重雞味🤤叉燒都係嫩滑👍麵嘅軟硬同埋粗幼度都適中🍜再睇下佢隻蛋無得輸！！🥚如果唔係我本身太飽一定會飲曬啲湯！整體份量，如果你係正常食量嘅話食晒成碗係會飽🤤如果去食，真係要睇IG 因為好多時湯都沽清，特別係午市

最近喺Threads見到好多人推介 野見拉麵，見到啲人話係top tier嘅拉麵，好似好厲害，收工衝去排隊，等咗20分鐘就有位，算係幾有效率。🍜雞白湯拉麵 $98成碗配料誠意十足，有嫩滑雞胸肉、薄切叉燒、半熟溏心蛋、清甜粟米芯同爽脆露筍。雞白湯湯底色澤奶黃，聞落香氣已經好吸引，飲落口感濃滑，雞味濃得黎又唔會膩，飲完嘴唇會有啲黏黏地，完全感受到膠質感。麵質軟硬適中，唔會太淋，咬落有少少小麥粒感，不過掛汁力稍弱，飲湯同食麵分離咗少少，唔係每啖都吸到湯嘅精華。雞胸肉處理得好好，完全唔鞋口，嫩滑得黎仲有味；叉燒薄切脂肪比例剛剛好，食落唔會膩。溏心蛋係半熟流心，蛋味香濃，仲帶淡淡醬油香，細節位做得唔錯。雞白湯的確唔錯，比起座銀，味道清啲，冇咁鹹，反而更適合香港人口味。下次一定要試埋佢個雞鹽味拉麵，睇下係咪一樣咁出色！

排隊意義何在？先到的人沒有被優先處理order，一坐定就被告知後來的客人order已被率先處理，雞白湯隨即售罄！浪費客人排隊時間和心機，對客人毫不尊重！對店家服務安排及態度非常失望！

【人一主理。慢煮雞肉】師傅一人主理，只供3款拉麵。拉麵店走簡約風格，木系裝潢為主，店裡設有3張二人座位和吧台座位，總共約16個位。人流不間斷，建議6點半前到店，就不用等太久。❈ 雞白湯拉麵 HK$98拉麵附有雞胸肉，叉燒，味玉和香蔥，可按自己喜好追加配料。雞白湯湯頭非常濃稠，呈奶黃色，口感順滑不會膩。拉麵軟硬適中，帶點彈牙。慢煮雞胸肉質軟滑，叉燒油脂分布平均，肉味突出。 溏心蛋味香濃，滲出淡淡的甜味。

排隊：建議星期一至五中午12點左右到店，不用排隊。如排隊人數超過五人，建議放棄坐位：10幾個位左右，主要係吧枱位，不要預期會坐得好舒服，拉麵店很正常餐點：點左signature 嘅 雞白湯拉麵 雞白湯：湯不是很濃郁，不過食得出用左唔少雞骨去煮。之前食過上環某雞白湯，嗰間味道濃郁啲，同埋飲完啲湯會覺得個嘴有少少黏黏地嘅感覺。雞叉燒：幾滑，不過冇乜味豬叉燒：❌❌👎🏻👎🏻勁生，上枱嘅時候出血水，我唯有將塊豬放係湯入邊浸熟啲麵質：偏硬，我個人係喜歡嘅，如果鍾意食腍啲嘅，落單嘅時候可能要問吓煮軟身啲糖心蛋：正常發揮總結：太子好食嘅嘢好多， $100一碗拉麵如果好似網上啲人咁講要等成個幾鐘先有得食，就不用了。行過路過見到冇人都可以試吓嘅，不過要接受到個豬叉燒生到出血水