影片
港鐵太子站 C2 出口, 步行約3分鐘
繼續閱讀
營業時間
今日營業
12:00 - 16:00
18:00 - 22:30
星期一
全日休息
星期二至日
12:00 - 16:00
18:00 - 22:30
以上資料只供參考, 請與餐廳確認詳情
假日試咗位於太子嘅 人氣拉麵店 主打雞白湯拉麵～ 大約夜晚6點左右嚟 都已經係second round排緊隊 不過呢啲鐘數食 只係等咗15分鐘就可以入座！雞白湯拉麵（$98） 追加雞胸肉 （+28）碗麵一嚟到 成個感覺好似返咗去日本食雞白湯拉麵！賣相好似 日本拉麵名店 「篝」～湯底一飲 係好濃郁 飲落去好舒服 但冇日本食到雞白湯嗰種加咗忌廉嘅雞湯味 個人比較鍾意加咗忌廉嘅版本🙈 呢個湯底雞味唔濃 係飲完湯個後勁有浸雞油味～所以食完拉麵都唔覺得好油膩！如果鍾意清淡版本嘅雞白湯呢個一定啱你 但如果鍾意日本加咗忌廉嘅雞白湯 呢個就唔啱你啦😳拉麵係用咗來貨嘅乾拉麵去煮 所以口感同手打拉麵係差好遠 不過拉麵煮得啱啱好 唔會好腍！拉麵會有兩三嚿雞胸肉、一大塊叉燒肉、糖心蛋 個人比較喜歡雞胸肉 唔會有雪藏雞味 煮得好腍 我諗只係用左鹽簡單調味 都有呢個效果都好厲害😆相反叉燒好普通 建議鍾意食雞胸肉可以追加！香港食到呢個質素雞白湯拉麵 係好推介😋 不過要避開排隊排好耐嘅時間 建議喺開店（12pm-4pm/6pm-1030pm）之前早少少過嚟排隊就可以快啲食到😌 要留意中間有兩個鐘嘅落場break 唔好摸門釘呀😆
繼續閱讀
喺社交平台睇咗好多次，可惜硬係撞啱時間，今日終於扚起心肝，拉埋老best去左呢間近排十分之旺場嘅雞白湯拉麵-野見拉麵。位置稍遠，太子站行大概用到10分鐘左右，店舖不大，大概15,6個位置左右，營業時間晚上六點開始。當日615左右到，現場已經排咗20幾人，最後排咗45分鐘左右就入咗場。本人習慣第一次試一定係招牌拉麵-雞白湯拉麵。上麵後，一開始就已經聞到好香嘅係雞湯味，質地無想像中濃稠同泡狀，但會感覺到有膠質，飲落會先體驗到湯嘅順滑，然後在迸發出濃郁雞味，值得一讚。麵係幼麵，爽口彈牙，但本身冇乜味，主要靠湯嘅味道。配菜分別係慢煮叉燒、慢煮雞叉燒，筍、粟米仔同埋糖心蛋。兩款還煮叉燒調味唔濃，但係一啲都唔柴，嫩滑之餘仲帶有食材健身嘅鮮味。特別一提糖心蛋，蛋黃呈半凝結，加上調味十分出色，鹹甜得嚟唔會滯口。總結，出色之處戚於湯底，其餘嘅食材都係用作配襯，如果你鍾意食雞白湯冇理由唔去一試。
繼續閱讀
香港人對拉麵要求愈來愈高，各家拉麵店都要精益求精🍜才能留住食客的心💘否則便很容易被淘汰🤕但太子就有一間雞湯拉麵店開業至今長期座無虛席👯♀️更是不少人心目中的雞白湯首選🥇———————————————————————雞白湯顏色相當奶白😳質感極度黏稠🤩一上枱經已鮮香撲鼻😚入口果然沒有令人失望，雞味極級香濃🐔經打泡處理後口感醇厚順滑😌膠質感滿滿🥰同時又不會過鹹，濃而不膩，是令人舒服幸福的味道😎麵條方面採用了幼麵，硬度剛好👌🏻有少許咬口，即使掛上濃厚的湯底亦未會令人覺得漿口🤓配料方面有三片雞胸肉🐥雞味同樣濃烈，而且肉質嫩滑有彈性😋帶來意想不到的驚喜🤩豬肉雖然只得薄薄一片🐷但肉質結實爽口，而且肥瘦相間😚豬油香味十足，亦是高水準之作👍🏻雞鹽味湯底呈金黃色🎖️表面有少許浮油，賣相可以用金光閃閃來形容✨而且非常清澈😳並無半點雜質，碗內每一條麵條都清晰可見🥳光看外表或會以為雞鹽湯味道清淡，誰不知雞味原來同樣濃烈😍鮮香得來質地較雞白湯輕盈得多😙更添一份清爽，無論輕重口味人士都會感到滿足☺️———————————————————————在香港日式拉麵比比皆是，但要數到令人回味無窮的話😋野見拉麵絕對榜上有名🏅就算要大排長龍都值得等待❗️
繼續閱讀
香港拉麵店林立，但味道能媲美日本的卻寥寥可數。野見拉麵算是少數用心製作，價錢合理的拉麵小店。一走進店就嗅到濃濃的雞湯味。我點了鹽雞湯拉麵，湯底清甜濃郁而不油膩，感覺味精不多。拉麵屬於幼身拉麵，有一定硬度，個人不太喜歡硬麵質，因此放了一會才吃，但頗掛湯。雞肉叉燒口感軟滑，新鮮美味。流心蛋亦值得一讚，蛋黃流心有香濃雞蛋味，蛋經過醃製帶有微微醬油味。香港拉麵現在平均都要$100-$120一碗。但野見算是少數食物質素對得起價錢，而味道頗接近日本當地味道的拉麵店。整體食物質素中上，份量適中，每樣食材都恰如其分，用心製作，值得一試。有機會下次想試雞白湯。😋
繼續閱讀
一間book mark咗好耐，行咗幾次都食唔到嘅拉麵。今日星期六一早出旺角整完嘢，就行去，11：38到，排第二個等開門。坐低諗咗一陣加咩餸，最後叫咗一個雞醬油拉麵（我係為左呢個醬油拉麵嚟嘅），加多一份雞胸肉。拉麵嚟到當然第一時間飲啖湯啦，湯底好夠熱，有鮮香嘅醬油味唔會死咸。麵係直身幼拉麵，質哋爽滑但不太掛湯。跟麵有一片手掌大嘅慢煮叉燒，三片比五蚊銀大嘅慢煮雞胸肉同一隻溏心蛋。 另加嘅雞胸肉就有五片。叉燒爽口得嚟好嫩滑又有油香，雞胸肉都好入味同好嫩滑，一啲都唔似食緊雞胸肉。成件事好完整。鍾意清淡拉麵嘅朋友仔值得一試。btw 我會去試埋雞白湯同雞鹽湯
繼續閱讀