龍莊

營業中

休息中

晚飯來到太古和舊同事短聚，他是個喜歡中菜的人，所以地點就由他發辦。跟著他來到龍莊這家新派的點心菜館。晚市時間，人氣真旺，我們8點到，場內座無虛席，都要等一陣先入到。餐牌選擇豐富，點了幾個招牌小菜。大吟釀煮花蛤湯頭清甜，滲著濃厚的酒味，加入了金不換，令成碟透著香氣。花蛤無沙又肥美，再加上辣椒的微辣，成碟可以用perfect黎形容！香港欖菜虎蝦 上枱時欖菜望落似茶葉，因為炒得乾身，但食落有驚喜，脆口又帶咸香。虎蝦隻隻都肥美彈牙，和欖菜配合得天衣無縫，好惹味！清蒸䱽中之王 我倆都鍾意䱽魚，這碟蒸䱽魚可謂一魚兩味，一邊是家鄉甜梅菜，另一邊是秘製黃椒醬。尤其欣賞廚師將兩種醬的配料都切得很細，很入味！令魚肉和醬料完全合二為一。加上䱽魚是選用了䱽中之王，所以肉質結實之餘不失鮮甜彈牙，我們一人食了一邊，食到碟都好乾淨！鵝醬羊架有4大件，冰梅醬酸酸甜甜的包圍著成件羊架，羊肉不羶，口感肥美肉嫩，好開胃！兩個人4個菜，閒話家常，食得好滿足，呢度啲小菜的確有水準，值得一試！