반찬앤쿡 Banchan and Cook (太古城中心)

營業中

休息中

睇完戲要醫肚，經過呢間木系裝修，走韓國少女風既韓國菜，排隊等半個鐘就有位！ 呢度採用自助方式點餐，餐具、水都係自助既～ 點餐後拎個電子取餐機等通知。🍳泡菜燉五花肉蛋包飯大大片大白菜泡菜包住肉厚既五花肉，觀感不錯！ 打開紅卜卜菜葉後，見到2件五花肉非常誘惑～ 可以切細放喺泡菜上捲入口，醃泡菜味道香濃唔太辛口，咬落五花肉跟脂肪相間軟彈juicy! 記得蛋要輕輕切開，反開入面既蛋漿，感覺好治癒。🍖豬手沙律長方碟一排砌好十數件去骨豬手，旁邊配點青綠沙律菜，色澤對比鮮明。叉子刺進豬皮外層，軟淋夠彈性，醬汁滲透豬肉～🍗醬油蒜頭無骨炸雞無骨炸雞方便易食，唔駛搞到成手油琳琳，更加唔洗戴手套！咬開雞件分兩啖享用，香脆既炸漿緊抓住白嫩雞肉，外皮幾香口夠薄兼卜卜脆，雞肉嫩滑之餘醬油味道頗濃厚，一件接一件，食完又唔會有口乾感覺。🍮雜莓瑞士卷蛋糕外層唔厚，蛋味幾香伴上紅豆蓉，包住中間既牛油忌廉挺身香滑，甜度也恰當。🍹紅桑子沙冰甜甜地果香芬芳馥郁，夏天飲啱哂～🧋伯爵茶鮮奶咖啡 Earl grey 既茶香突出，並無比咖啡味蓋過。