龍莊

營業中

休息中

前陣子去龍點心得知喺太古開左粵菜新副線-龍莊。「龍莊」秉承「龍點心」既理念，糅合古今精萃，精研出傳統+創新既菜式，將新派粤菜提升至另一層次。龍蟹膳。一蟹兩食🦀招牌蟹王煎腸粉大大個蟹蓋下面蟹黃、鮮拆蟹肉伴腸粉，色澤橙黃濃密，賣相已經夠吸引。腸粉煎到脆邊，入口軟糯，外層放滿鮮蟹黃，蟹香籠罩整條腸粉。🦀上湯煮肉蟹蟹鉗係焦點，外形夠霸氣。戴膠手套拎住食，蟹肉鮮嫩，好味到舐舐脷蟹鉗部位肉厚，上手好重。破開堅韌外殼，滿滿白滑鮮嫩蟹肉，味道清甜，拆肉外掛濃郁上湯汁食，更加滋味。🦆煙燻樟茶鴨上檯先打開玻璃蓋，陣陣煙燻香煙鴨肉質粉紅，味道咸香中帶茶鴨皮乾身有光澤🐟清蒸鯧中之王（家郷甜梅菜/秘製黃椒醬）開邊蒸鯧魚，魚肉白滑，仲有爐火保温。左邊放滿甜梅菜，右邊鋪上鮮黃椒剁粒，兩款調味配搭，口味各有特色。黃椒醬口感強勁，魚肉味道多了一份辛香，提鮮效果明顯另一款配甜梅菜食法，魚肉裡散發梅菜獨特香氣之餘，仲有葱花、豉油吊味，香滑味鮮🦐香港欖菜虎蝦開邊虎蝦肉厚爽彈，蝦頭膏仲幾濃，蝦殼以至肉身都封上一層欖菜汁，乾身又脆香。