龍莊

營業中

休息中

咁啱係太古附近收工，就同朋友捐窿捐罅搵下有咩新餐廳。見到呢間餐廳又喺樓下擺咗廣告牌，就一於上去試下。雖然係平日夜晚，但係都爆場，人氣果然勁。冰鎮蕃茄仔有淡淡嘅桂花香味，開頭仲擔心會好酸，但食落又幾清甜。滋補花膠雪燕燉椰皇 $256叫咗2個，諗住一人一個補補佢。上枱嗰陣已經聞到好香嘅椰子味，飲落果然無令到我失望，非常足料，又有花膠、瘦肉連埋雪燕一齊燉。秘製椒麻帶子 $128係刺身級嘅帶子😍配上秘制椒麻醬，香辣得黎又唔會蓋過帶子腳鮮味。燴軟腍腍牛面頰 $128同出面食嘅牛面肉好唔一樣，唔會一pat軟腍腍無口感，呢個牛面肉腍得黎又保留到少少爽口感覺，個feel有少少似牛展。一斤摘一兩 $128好少出去食飯會見到餐廳咁好心機，將每棵菜都摘到得返最嫩個part，上湯煨真係好惹味。