一汁一菜 (源成中心)

營業中

休息中

之前已經食過其他分店嘅呢間日式輕食店，今日經過觀塘見到都有佢哋嘅分店，就買咗外賣返去當晚餐食，最鍾意呢度嘅食物全部都係細細份，但係種類好多，真係可以揀自己鍾意食嘅嘢，而且感覺都係好健康，食完之後唔會有罪惡感。另外都鍾意呢度小清新嘅裝修，加埋有善嘅店員，下次如果唔係趕時間就唔使外賣，真係可以試吓堂食。今次叫咗兩個主菜定食，基本上所有嘢都勁好味，但係我覺得最出色就係個seasonal menu嘅味噌牛油照燒雞扒同蕃茄惹菌小蝦周打濃湯。牛油照燒雞扒嗰醬汁真係好正，唔會太鹹，濃郁到剛剛好，而且雞肉保持到嫩滑。至於個湯又真係好creamy，而且好多蔬菜，亦都食到海鮮嘅鮮甜。沖繩汁燒大根豬軟骨同和風燉豚肉濃湯都係做得好出色，一般嚟講我覺得大部份嘅豚肉都唔係咁好食，但係估唔到呢間餐廳嘅兩樣豬我都覺得幾出色，唔會有一種怪味，反而覺得啲豬肉夠嫩滑。而澱粉質方面，今次就食咗需要加錢嘅醬油菇菌飯同日本味付糖心蛋飯，不過兩個都係絕對抵食，糖心蛋係真心成隻蛋黃都係流心嘅！醬油菇菌飯嘅菇有少少甜味，真係唔錯！