影片
更多
2023-03-27
1055 瀏覽
老人家喜歡吃中菜 才剛踏入2字頭嘅我也異常地喜愛飲茶🫖所以相約家中的老人家一起到位於Ritz-Carlton 102樓的天龍軒共進午餐。天龍軒位於全港最高嘅建築物ICC的102樓，亦係全港最高嘅米芝蓮二星餐廳，地理位置極佳🥰刻意提早兩個月前預訂近窗邊的海景座位🌊限聚令關係分開了兩張枱，職員也提議我哋坐望窗的位置，把窗外的風景一覽無遺，儘管當日天陰陰，但恰巧遇上中午時分轉晴能眺望青馬大橋🌉這種更居高臨下的感覺 很爽！！！當日分別散叫咗點心同埋一人套餐兩個人share食😋都建議大家如果有好多嘢想試嘅話可以考慮吓呢個方案🫶🏻點心價錢絕對唔算貴！如果同屋企人/朋友黎食lunch嘅話會建議大家可以唔洗食set 就咁去飲茶😆但係如果business lunch就可以參考下set menu有咩好食💓《 #龍軒星宴 》六道菜午餐體驗 (加一後$773/位）-#天龍獻粹 (桂花蜜汁叉燒/薑蔥煎帶子/免治和牛脆藕餅)評分：7/10短評：見個餐都有叉燒冇特別預留到signature嘅黑豚肉叉燒🥹呢款個人就普通中常嘅半肥瘦叉燒🤣薑蔥帶子配搭特別但係感覺唔係好夾🥹最驚喜係免治和牛脆藕餅，好味又唔油，食到粒粒蓮藕
天龍軒位於全港最高嘅建築物ICC的102樓，亦係全港最高嘅米芝蓮二星餐廳，地理位置極佳🥰刻意提早兩個月前預訂近窗邊的海景座位🌊限聚令關係分開了兩張枱，職員也提議我哋坐望窗的位置，把窗外的風景一覽無遺，儘管當日天陰陰，但恰巧遇上中午時分轉晴能眺望青馬大橋🌉這種更居高臨下的感覺 很爽！！！
當日分別散叫咗點心同埋一人套餐兩個人share食😋都建議大家如果有好多嘢想試嘅話可以考慮吓呢個方案🫶🏻點心價錢絕對唔算貴！如果同屋企人/朋友黎食lunch嘅話會建議大家可以唔洗食set 就咁去飲茶😆但係如果business lunch就可以參考下set menu有咩好食💓
《 #龍軒星宴 》
六道菜午餐體驗 (加一後$773/位）
-
#天龍獻粹
(桂花蜜汁叉燒/薑蔥煎帶子/免治和牛脆藕餅)
評分：7/10
短評：見個餐都有叉燒冇特別預留到signature嘅黑豚肉叉燒🥹呢款個人就普通中常嘅半肥瘦叉燒🤣薑蔥帶子配搭特別但係感覺唔係好夾🥹最驚喜係免治和牛脆藕餅，好味又唔油，食到粒粒蓮藕👍🏻
#炸釀鮮蟹蓋🦀
評分：7.5/10
短評：好味嘅😋印象幾深刻，面頭炸到十分香脆，食落去有啖啖嘅蟹肉，加埋入面嘅醬汁都好creamy又唔膩，值得一提嘅係伴碟嘅炸子薑幾特別！
#花膠酸辣羹
評分：6.5/10
短評：嚟到呢個位已經好飽但酸酸地好開胃，有花膠絲～肉絲～木耳等必備食材，味道正常冇乜特別，但好大碗🤣一碗可以倒到兩碗正常size飯碗🥹如果我一個人食呢啲set應該會飽死🤣
#南非六頭鮑魚伴原條海參
評分：7.5/10
短評：呢啲需要炆嘅手工菜色絕對係各間傳統中菜廳嘅招牌菜，亦可以話係分高下嘅位，呢到嘅鮑汁就好出色!!!✨ 六頭鮑入味又冇overcook咬落亦十分嫩，必試👍🏻海參肉身厚，但我自己麻麻哋所以冇食🤣
#星斑魚蓉香茜糯米飯
評分：2.5/10
短評：因為本身都唔好魚 又唔鍾意食芫荽🥹加上食到呢度已經好飽 糯米飯比較濕同漲 所以食咗一啖就果斷放棄🥹打包了～相都冇影🥹但係食魚嘅屋企人都表示唔好食🥹呢個應該係成餐飯最難食嘅一樣🥹
#天龍甜品薈萃
(香芒楊枝甘露/芝士煎堆/傳統酥皮蛋撻）
評分：8/10
短評：食到咁飽飲番個酸酸甜甜又凍凍地嘅楊枝甘露確係一流🤤十分解膩！另外因為我唔鍾意食紅豆嘅關係所以將原本嘅紅豆點金丸子轉咗做芝士煎堆，原本都冇乜期望，點知咬落去啲芝士流心咇晒出黎，勁好食！！！😍下次去一定要再叫😙因為我係曲奇皮愛好者 所以蛋撻留咗俾屋企人食🥚鬆化唔錯!!另外職員送嘅合桃酥都好好味😋熱辣辣✨
-
成個體驗都係唔錯👍🏻service好坐得舒服個景又靚又唔洗趕頭趕命💞係一個好好spend time嘅餐廳（我哋都坐左成三個鐘頭🤣）有機會大家都可以嚟experience一次喺高空飲茶😋但係最重要嗰點🥹整體來講食物質素唔算特別出色，來一次就夠🤣下一個target諗住帶婆婆去龍景軒試下😇或者大家有冇啲好食嘅中菜廳介紹😙？
——————————————————————————
゛天龍軒 (尖沙咀)
📍 尖沙咀柯士甸道西1號環球貿易廣場(ICC)香港麗思卡爾頓酒店102樓
⋆͛人均消費：$773💰
⋆͛性價比指數：6/10🧮
⋆͛環境服務：9/10💁🏻
⋆͛ 打卡指數：9/10📸
張貼