HASH CAFE (已結業)

今晚去左天水圍搵朋友, 就順便係天水圍食埋晚飯先返屋企。見到呢間文青CAFÉ裝修幾靚又唔洗等位, 就揀左呢間餐廳喇。餐牌都有幾多選擇, set dinner大約$58-128, 包沙律/湯同埋飲品, 價錢非常合理。最後叫左一個牛扒餐。是日餐湯係南瓜湯, 雖然個湯係送既但都好好飲。主菜方面牛扒唔會太熟, 平時食牛扒最怕有一大陣鬆肉粉味, 但今次冇, 所以都幾驚喜。飲品加錢轉左芝士奶蓋四季春, 芝士味唔算好重都幾易入口, 飯後飲剛剛好。係屋村商場有一間環境咁舒適又性價比高既餐廳, 真係幾難得, 有機會一定會再幫襯。