影片
更多
2016-08-12
757 瀏覽
天盛街市同商場翻新，引入多間新氣象嘅食店，茜廊餐廳算係其中一家。好耐無同男友家人食飯，打算近近地不如試吓茜廊餐廳。7點鐘去到，全店爆滿兼好多人已經等位。呢度不設訂座，所以下次嚟要早啲到拎位先得。餐廳既裝修都幾簡約，好有美國風。間舖都幾大，間隔都夠闊落。我地一行五人坐咗喺corner 位，全排sofa坐得舒服又可以方便傾偈。食物首推係隻葡式烤bb豬配雜菜沙律，必點嘅！唔係我地食開嘅廣東乳豬，係葡式bb豬，豬皮望落同食落都脆口，豬肉有少少咸香，但又唔會太腍！佢地上菜速度都好快，啲菜差唔多同時間一齊上，好有效率。好快就又嚟碟炭燒西冷牛扒（黑椒汁上）。鐵板上熱到炸炸聲，超大塊嘅牛扒好腍好juicy，唔多根，不錯！另一㕑師推介嘅有一米長嘅pizza, 長到張正方枱都唔夠擺，$268可以試齊三款特色味道包括羅勒蕃茄味、皇后味道（豬肘肉、蘑菇、洋蔥同橄欖）同黑松露野菌味。最惹味當然係黑松露野菌，香味濃郁，食落有少少油份同爆多芝士。呢款pizza抵食，啱一班人一齊食之餘，影相都夠震撼！唔夠飽嘅話可以叫埋烤百里香春雞，原隻春雞上，份量比想像中仲要大好多，鍾意食邊個位，要幾大份，任你點切，啱晒一班食肉獸！
餐廳既裝修都幾簡約，好有美國風。間舖都幾大，間隔都夠闊落。我地一行五人坐咗喺corner 位，全排sofa坐得舒服又可以方便傾偈。
食物首推係隻葡式烤bb豬配雜菜沙律，必點嘅！唔係我地食開嘅廣東乳豬，係葡式bb豬，豬皮望落同食落都脆口，豬肉有少少咸香，但又唔會太腍！
佢地上菜速度都好快，啲菜差唔多同時間一齊上，好有效率。好快就又嚟碟炭燒西冷牛扒（黑椒汁上）。鐵板上熱到炸炸聲，超大塊嘅牛扒好腍好juicy，唔多根，不錯！
另一㕑師推介嘅有一米長嘅pizza, 長到張正方枱都唔夠擺，$268可以試齊三款特色味道包括羅勒蕃茄味、皇后味道（豬肘肉、蘑菇、洋蔥同橄欖）同黑松露野菌味。最惹味當然係黑松露野菌，香味濃郁，食落有少少油份同爆多芝士。呢款pizza抵食，啱一班人一齊食之餘，影相都夠震撼！
唔夠飽嘅話可以叫埋烤百里香春雞，原隻春雞上，份量比想像中仲要大好多，鍾意食邊個位，要幾大份，任你點切，啱晒一班食肉獸！
食完主菜輪到點野飲，必點朱古力雪香，幾乎每枱都叫咗一杯，自己都唔執輸！杯型夠長睇落幾大杯，啲cream同朱古力沙冰混合咗後味道唔會淡咗，朱古力味依然濃郁，放咗陣都唔會變晒水溶晒變淡。
張貼
