茜廊餐廳 (天盛商場)

營業中

休息中

#吃貨心柔日誌 👧🏻 天水圍驚喜 💥性價比高 📣 西式扒類意粉 🥩 精美兒童餐今日發掘到一間位於天水圍區性價比高的西餐廳想跟大家分享❤️地理位置方便，就係天水圍西鐵站旁邊的商場內❗Menu選擇極多，價錢好親民👍🏻最近餐廳推出「撐留港消費優惠」💥$85已經可以食到大大份鐵板套餐❗更加推薦親子客人👨‍👩‍👦‍👦因為餐廳提供多款精美兒童餐，是一家大細開餐的好選擇❤️🌟茜廊特式雜扒餐 (豬扒+雞扒+漢堡扒+法蘭克福腸) $85 餐廳推出「撐留港消費優惠」，精選套餐都只是$85起❗每個套餐都會包括餐飲、忌廉湯/羅宋湯及蒜茸包，呢個茜廊特式雜扒餐都是優惠套餐之一，套餐好豐富好足料，價錢好親民，味道亦不錯，食得好滿足😋🌟鐵板特級肉眼扒 $98鐵板特級肉眼扒都是優惠套餐之一❗一上枱見到塊肉眼扒好大好厚身，絕不欺場，要求的熟成度亦都掌握得好好👍🏻性價比超高🌟 兒童餐(蕃茄肉醬意粉+日式炸蝦+西蘭花粟米+啫喱) $79心柔指明要的兒童餐🚘我真心認為上餐廳可以納入為親子友善餐廳❗單單是兒童餐都有5款不同的可供客人選擇，Pizza🍕飯、意粉🍝雞、魚、蝦🍤等等包羅萬有，對於有食物偏好的小朋友來講真是好貼心❤️總有一

今晚約咗住天水圍嘅朋友食晚飯，去咗呢間喺天盛商場嘅茜廊餐廳。餐廳環境唔錯，卡位好闊落，呢度仲有送餐機械人送餐，幾特別。鐵板特級肉眼扒配意粉呢塊肉眼扒好大塊，我揀咗七成熟，煎到啱啱好，好香，而且唔韌。呢個餐有忌廉湯同蒜蓉包，另外加配咗兩隻香脆雞翼，雞翼炸得香脆。鐵板乾炒豬扒烏冬因鐵板關係，呢碟炒豬扒烏冬熱辣辣，送上枱時仲冒緊煙，好香。豬扒同烏冬炒得唔錯，唔算太油，好味。頭盤叫咗煙三文魚有機菜沙律，沙律都好新鮮。煙肉忌廉汁焗西蘭花煙肉忌廉汁同西蘭花好夾，好食。忌廉曲奇芝士蛋糕有忌廉又有曲奇又有芝士嘅蛋糕好好味。飲品方面，叫做黃皮金橘檸檬梳打，酸酸甜甜幾好飲。懷舊紅豆冰好有椰汁味，唔甜，幾啱我口味。

作為天水圍街坊，呢間係我早餐必食之選！選擇比茶記/快餐店多，而且食物質素都好唔錯～我個人最愛一定係吉列豬扒配黑松露炒蛋、多士豬扒真係大大件😆炸粉又唔厚，肉質係鬆軟得嚟亦keep到口感😚黑松露炒蛋超香，蛋係炒到滑一滑唔會老👍🏻連埋厚多士食好滿足🥺另外見蕃茄貝殼粉湯底都十分之濃郁朝早想食湯粉濕濕嘴都係好選擇😉奶茶/咖啡都媲美酒店西餐廳，一啲都唔失禮🤝🏻無論凍熱都係自己調配甜度，自由度十分之高🥰除咗早餐，佢哋午餐/下午茶/晚餐都同樣好多選擇而且價錢都係好合理！平民價錢，高質西餐享受～係天水圍嘅寶物餐廳🫶🏻

呢間平民西餐我同朋友都黎過。價錢親民，質素又穩定。星期六夜晚去到，成間舖都坐滿晒，好多街坊都嚟幫襯。✨️最近餐廳推出咗留港消費超值套餐，真係抵到爛！我叫咗鐵板特級肉眼扒（七成熟）配蒜茸汁，只係98蚊，完全無偷工減料。牛扒厚身，切開仲見到靚靚粉紅色，肉味濃郁，食落多汁又唔鞋。加多12蚊仲可以有兩隻香脆雞翼，外皮香脆，肉質嫩滑，性價比超高。✨️芝士焗肉醬意粉都好有驚喜，肉醬夠晒惹味，芝士鋪到滿滿，啖啖都食到肉香同芝士香。✨️秘製百里香燒春雞配七味薯都唔錯，春雞醃得好入味，食落香氣十足，雞肉嫩滑唔鞋口，薯條香脆有調味，食落更滋味。✨️套餐可以加配紅湯、白湯同蒜茸包，蒜茸包焗到脆卜卜，蒜香味濃，食完好滿足。✨️飲品方面，凍奶茶同凍華田都係大大杯，夠晒解渴。呢間西餐廳真係抵食又有質素，無論同朋友定屋企人嚟食都好啱，下次一定會再幫襯！

朋友話呢間餐廳有幾個機械人🤖送餐好盏鬼！佢哋識講廣東話，仲會話你知你嘅餐喺第幾層，仲要你叫佢走佢先肯走，哈哈！仲會講「唔好意思」讓人行先💁🏻‍♀️，送完餐仲識返去拎新餐，感覺新奇！🤭📌蘑菇粟米雞肉薄餅 9"🍄🌽🐔🍕薄餅底夠脆，上面嘅蘑菇同粟米同雞肉配搭超正，芝士拉得好長，食落好滿足！📌鐵板乾炒豬扒烏冬♨️🐷🍝超有鑊氣，豬扒多過烏冬，烏冬面夠Q彈，好惹味！📌餐配飲品（凍檸茶及凍咖啡）連同忌廉湯及超香脆蒜茸包🍲🍞🥂凍檸茶同凍咖啡都唔錯；忌廉湯好滑；蒜茸包一咬落去脆到不得了，超香！📌黑松露香脆薯條🍟薯條香脆可口，可以點黑松露或者茄汁，雙重口味💞

到天盛#茜廊 食個晚餐。在門外見到有晚市套餐優惠，連肉眼扒亦有包括在內。除了扒類以外，還有意粉、焗飯和甜品等選項。(二人晚餐）-煙三文魚芒果沙律（2份）- 羅宋湯 及 蒜茸包蒜蓉包烘得夠熱夠脆，羅宋湯的酸度十足，裡面有不少牛腩，搭鬆軟脆口嘅包❤️一流開胃前菜。- 忌廉湯 及 蒜茸包- 鐵板特級肉眼扒主角鐵板黑椒肉眼扒熱辣辣上枱，上枱時會幫客人淋汁上牛扒面👍，肉眼扒非常厚身，份量十足，七成熟好有咬口，裡面還是有點紅紅，肉質相當鬆軟多汁， 味道唔錯，有4種汁俾大家揀，實有一款岩大家口味。- 香草煙三文魚薄餅份量十足，雜菇混入麵團中，pizza面塗上茄醬，加上芝士再焗，最後放上幾片煙三文魚，味道較重，三文魚尚算有咸香。- 是日甜品（2位）結帳不過300多元，試了很多菜式，整體也很不錯，值得一試。

今日星期五復活節第一日假期，下晝四點半，去咗天水圍茜廊餐廳食下午茶餐，但係有啲餐已經售罄，而家係下晝4點36分，叫咗兩個下午茶餐，跟兩杯嘢飲，叫咗個熱鴛鴦，熱飲唔夠熱，係暖嘅，餐叫咗個白汁菠菜燴煙鴨胸闊條麵，阿妹話好食，見到都仲有啲白汁夠濕潤，而我就叫咗個芝士焗魚柳跟意粉，個意粉比較乾身，我鍾意濕潤多汁，第一次堂食，唔知係唔係因為係假期，叫嘅餐都要加一。店內有自助機械人送餐服務。

一入到去坐低，水又冇，餐具又冇，想搵侍應問餐牌上嘅魚柳焗飯係用咩魚柳，等咗二十分鐘都冇人應。頂唔順，唯有問個收銀阿姐，個阿姐都未等我講完就叫我scan qr code 落單。大佬呀，我緊係有問題問先要真人解答啦。到終於問咗，等個侍應問埋廚房，就話係龍脷柳，咁我就放心，因為我好憎食鯰魚，見唔係鯰魚就點個魚柳焗飯。點知上菜嗰陣，我都仲未有匙羹，叫我點食？？？我開聲話冇匙羹，個上菜侍應就走咗，我以為佢係去拎匙羹啦，點知等咗十分鐘，都係未有匙羹，原來根本冇心裝載，佢去咗同啲夥記吹水，真係痴線。到終於有匙羹嗰陣，個飯都唔熱啦，仲要一食個魚柳，發現魚肉鬆散，根本唔係龍脷柳，而係坊間常用嚟冒充嘅鯰魚柳，真係令人火滾。我嘥咗30-40分鐘去落order同等匙羹，你俾啲咁嘅嘢我。你間舖頭，我已經報咗海關，你最好醒定！

天口熱🥵都係去商場行吓🧊咁啱經開天水圍天盛, 見到冇乜人排隊就入到本身以為會伏，點不知食物好味🤤真係試過返尋味😋有湯品➕飲料➕主菜，食到飽住走🫃個人覺得套餐都幾化算💰👍✔️食物質素唔錯👍✔️環境坐得舒服😌✔️侍應又同小朋友開玩笑😝✔️感覺態度良好👏1. 焗豬扒飯 $69蕃茄汁濃，加咗好多芝士🧀，天口㷫好開胃🤤2.乾炒牛河 $68炒得好入味，但略嫌少咗啲牛肉🥩3.龍蝦汁海蝦燴飯 $75龍蝦汁濃味，但略嫌少咗啲海鮮🦐🌟🌟另有+1服務，凍飲不加錢(正👍，友人和我們一家都叫咗凍飲）經開天水圍，不妨一試，可納入考慮名單哦❤️

超級嘔心既餐廳跟餐叫左罐可樂，完全唔需要加工既飲品，好耐都未黎，叫侍應叫左4次唔該都聽唔到，大聲到成間鋪頭既食客都望住我，掛住係度同個收銀吹水完全唔理客人，d野食除左鹹，就係難食，扒落左勁多蘇打粉（上次食的），龍蝦d肉係梅既（上次食的），諗住今次淨係食普通焗飯實無死，點知又係除左鹹就係難食，真係無定食飯都唔會再黎

今日晚餐去天盛商場嘅茜廊食鐵板特級肉眼，本身叫咗五成熟，但係想像嘅時候結果係全熟，本身我都覺得係可以食嘅，但係經理過嚟問我有冇咩問題我就問佢呢個係咪真係五成，結果就算我話都唔需要，但係經理都換返另一碟五成熟嘅俾我，而且二$98呢個價錢其實真係煮得好好，後尾來了五成熟肉眼扒，就更加好味。 你對返我之前一個禮拜返大陸食嘢，我覺得其實香港都有佢嘅優點，有陣時都好食啲㗎。希望下次可以再來試不同的好野，P.S. 個羅宋湯同多士都正。

間唔中都會去茜廊食早餐，而佢嘅吉列豬扒係我暫時食過最好最大件！今次因為唔想出門口就叫左佢嘅早餐外賣，睇吓外賣會唔會差過堂食叫完大概30分鐘就送到黎，佢吉列豬扒早餐係配黑松露炒蛋同多士打開都仲係熱嘅，有配埋沙律醬非常好，不過可以跟多啲就好了始終食吉列炸物類嘅嘢配醬係好重要！黑松露炒蛋非常有份量，應該至少都2隻蛋以上嘅量，而落嘅黑松露都唔孤寒，每啖都有黑松露香味～主角吉列豬扒依然係大大塊又厚，重點係佢炸粉唔會超厚，咬落去啖啖肉！果然係我心目中嘅no.1

為左減重，最近夜晚都可以食菜多，諗住搵到間餐廳有沙律食唔使煩可以懶d唔使煮，但唔知咩事個餐越整越hea! 過年前晚市沙律，個煙三文魚都有4,5塊，過年後第一次去食變三塊，今日變兩塊！98蚊未計加一既晚餐🙃🙃

鍾意食薄底手工Pizza嘅人可以嚟呢度試吓下午茶時段仲好抵40幾蚊有交易， Pizza熱辣辣又多芝士， 而且咁嘅價錢真係唔係度度有， 仲要係即叫即整， 而且佢哋用啲食材都唔係平價貨， 個Pizza都好大個兩個人都夠分😉

乾炒牛河我哋就食得多但係用鐵板底上嘅就甚少， 我覺得用鐵板上比普通碟更加好味😋， 因為本身個鐵板熱辣辣佢會令到啲河粉有啲燶邊， 所以食起上嚟更加香口， 因為我唔係經常食牛肉所以叫佢哋可唔可以走牛肉俾多啲洋蔥同蔥我