隨變火鍋

營業中

休息中

麻辣湯底($138)，選擇左微辣級數，所以辣椒份量唔算多，湯底顏色亦唔會好紅，但係食材煮熟後仍然食到有微微既麻辣香味。頂級手切牛頸脊(小)($198)，約有10片，平均每片價錢唔算很便宜，但食材質素絕對稱得上哩個價，牛味濃，牛頸脊軟腍而且帶有少少咬口，白色脂肪位置食落仲有少少彈牙口感。即炸響玲卷($58)，共6件，顏色鮮豔，淥一淥就可以放入口，半脆半腍既口感，而且沾上麻辣湯汁，味道超正。桂花蚌($138)，份量都幾多，桂花蚌既口感我覺得似牛筋和牛骨髓之間，爽口而且有骨膠原。四寶餃拼盤($68)，每款有兩粒，我個人最喜歡豬肉韮菜餃和餛飩，因為韮菜味道好香，同埋餛飩好多蝦啖啖肉。隨變粉($28)，外表似烏冬，但口感完全不同，隨變粉煮熟後呈半晶瑩剔透，食落有d似紅薯粉，不過比紅薯粉更易咬開，果然有驚喜。