鍾爺爺海鮮火鍋刺身專門店

營業中

休息中

最近天氣轉涼咗最啱就係打邊爐啦，所以，今日約咗朋友嚟太子食鍾爺爺火鍋海鮮刺身專門店。我哋揀咗皮蛋芫茜湯底,估唔到個湯底都有好多料，有粟米，豆腐，菇等等。霜降手切頸脊肥牛，肥牛嘅花紋好靚，試一舊先，入口即溶，肉質鮮美，唔錯唔錯，可惜細份咗少少。桂花蚌每次打邊爐都會必嗌嘅桂花蚌，只需要滾十幾秒就可以食得，果然煙煙韌韌好爽口唔錯。我哋仲嗌咗手打鮮蝦丸同墨魚丸，鮮蝦丸好爽口，墨魚丸都好彈牙，呢兩樣都係打邊爐必食嘅。脆鯇片，雖然平時好少食魚片，不過呢度脆鯇片都算唔錯，魚肉爽口好少魚刺。打邊爐又點少得菜呢，我哋嗌咗萵筍片同台灣水蓮。最後仲嗌咗個竹蔗茅根水。