三才魚蛋粉麵

營業中

休息中

有時出街食飯諗唔到食乜嘢，簡簡單單食碗麵，想見多你幾面😜再加上天氣都開始熱，唔想食咁多嘢，食碗麵就夠！呢間銅鑼灣三才魚蛋粉麵，下午茶時段都多人都會有人排隊，不過食粉麵通常都係速食，食完都好快手走，所以等一下就好快入去，裏面冷氣好夠涼👍🏻喺門口排隊嘅時候，會有姨姨幫你寫定order，入到去好快就有本熱辣辣嘅麵上枱！墨蝦條米線 ：裏面有蝦肉，墨魚肉和粟米粒，食落去都比較彈牙，我覺得有少少似墨魚滑嘅感覺，口感都好豐富，加埋蝦肉同粟米有啲咬口西洋菜餃河：呢個自家製餃子，出面都比較少，西洋菜湯就飲過，但係估唔到用嚟包餃子食，又另一番風味，西洋菜再加埋豬肉，真係皮薄餡靚，而河粉又好滑蠔油生菜：食菜又健康，又可以補充纖維可口可樂解暑一流