米走雞Deluxe (已搬遷) 新店位置

📍米走雞Deluxe (銅鑼灣)🔍銅鑼灣渣甸街50號渣甸中心3樓-----香港人一年四季都鍾意打邊爐，而除咗打邊爐之外，👶🏻B仔仲鍾意一年四季都食雞煲。一踏進餐廳，就聞到嗰陣濃郁誘人，人魂牽夢繞嘅雞煲香氣，對，就是這個味道！🐥火焰麻辣雞煲(2-3人份量，$168）雞煲上枱，烹煮一會之後，店員會幫忙加入玫瑰露🌹，繼而點火，火光消失後就開始加入麻辣汁炒煮雞肉，整個過程熟練又一氣呵成，而且非常香噴噴，望到我口水都吞咗幾下。看似平凡嘅調味料，洋蔥、中芹、芫荽、🌶️辣椒乾，實為個雞煲嘅靈魂所在，一樣都不能少，令雞肉香麻爽辣，自帶芹荽清香，惹味到極致。食完雞煲之後，就可以叫店員幫忙加湯打邊爐。🦐手打鮮蝦丸（$44）顏色粉嫩，洽完之後質感QQ彈彈，蝦肉扎實，不過蝦味唔算太濃。🥟鳳城水餃（$48）就皮薄餡足，狀甚飽滿，中間有絲絲黑木耳，同原粒小蝦，口感豐富。如果仲想延續品嘗麻辣湯汁嘅濃郁滋味，就可以學B仔咁叫啲索汁之選，例如稻庭烏冬（$21），腐皮（半份-$17），生菜（半份-$20）同山藥（$44）等等，吸曬湯底精華，咁就可以令個種麻麻辣辣嘅爽快感係口腔久久不散，正😌！-----👶🏻B仔整體評價：8/