點鍋

營業中

休息中

天氣凍更加想食火鍋，行開兆萬呢邊，就順便喺度搵吓有咩食啦，見到呢間火鍋店新開，又做緊優惠，感覺幾抵食，所以就決定試試。環境疏落有置，坐得好舒服，而且枱上面有一個假可以擺配料，第一次遇到火鍋店係咁樣嘅安排，整體感覺好整齊。唔會亂糟糟，呢個設計真係不錯。首先湯底方面我哋揀咗喇沙湯底，出到嚟嘅結果係好滿意，因為喇沙嘅味道好濃，亦都好夠香，不過略嫌鹹咗少少。 配料方面都幾多選擇，有好多手工手打嘅丸類，比較特別嘅係芝士墨魚丸、黑松露蝦蟹餃係餃，芝士黑松露蝦蟹餃，食過咁多次火鍋入邊第一次接觸👍🏻👍🏻味道相當唔錯。 另外食火鍋嘅話最鍾意就係魚皮，呢度有兩款魚皮可以選擇鹹蛋黃魚皮同埋避風塘魚皮，兩款都唔錯不過表面嘅調味料可以再多啲，咁樣就會濃味啲啦😁 送嘅海鮮拼盤都好高質，雖然種類唔算多但係已經有晒我想食嘅海鮮👏🏻不過肉類方面嘅選擇就比較少。 整體來講呢間火鍋店嘅性價比都幾高，因為價錢唔貴之余，可以食到想食嘅嘢，如果你兆萬搵食都係一個唔錯嘅選擇。