影片
更多
2024-06-14
11 瀏覽
香港主打天婦羅嘅餐廳比較少，天婦羅同壽喜燒同時作為招牌菜仲放同一個餐，令人懷疑係咪半調子唔湯唔水咁，實測證明兩邊都好出色可以獨當一面。前菜陳皮梅、黑梅貝同金絲瓜酸酸甜甜好開胃，尤其鍾意黑梅貝煙韌彈牙、鮮甜入味，做到媲美鮑魚嘅美味。茶碗蒸嫩滑有蛋香，北海道瀨尿蝦的確係特別甜，配料木耳、柚子香等好特別，有耳目一新嘅感覺。天婦羅外皮做得好透薄乾爽，第一道白子火候啱啱好，真正外脆內嫩，半熟狀態嘅白子好Creamy。山形縣粟米好有心機咁起肉再拼成粟米扒，啖啖粟米粒好juicy。北海道帆立貝半熟、粉嫩水潤，超級甜，基本上唔洗點落鹽已經係味覺一大享受。舞茸菇夠新鮮，脆皮依然保持到薄身唔油膩，食到菇味。蠔天婦羅係我今晚最愛，大大隻飽滿蠔味濃，包紫菜同特製醬汁味道岩岩好，類似炸豬扒醬但唔會太甜或搶味，同食左拖羅卷一樣咁滿足。壽喜燒可以試齊西冷、肉眼同牛肩，師傅煮得非常好，五成熟只係輕輕拖一拖，唔會太生，好似Baby咁幼嫩，令我反思至今食過嘅壽喜燒好似都overcook咗。西冷毋庸置疑係最滑，油香十足。 肉眼相對牛味濃啲，滑但感覺到牛肉紋理。 牛肩就最扎實牛味最濃。 三款各有各好食，一次食哂幾好。 野菜拼
前菜陳皮梅、黑梅貝同金絲瓜酸酸甜甜好開胃，尤其鍾意黑梅貝煙韌彈牙、鮮甜入味，做到媲美鮑魚嘅美味。
茶碗蒸嫩滑有蛋香，北海道瀨尿蝦的確係特別甜，配料木耳、柚子香等好特別，有耳目一新嘅感覺。
天婦羅外皮做得好透薄乾爽，第一道白子火候啱啱好，真正外脆內嫩，半熟狀態嘅白子好Creamy。
山形縣粟米好有心機咁起肉再拼成粟米扒，啖啖粟米粒好juicy。
北海道帆立貝半熟、粉嫩水潤，超級甜，基本上唔洗點落鹽已經係味覺一大享受。
舞茸菇夠新鮮，脆皮依然保持到薄身唔油膩，食到菇味。
蠔天婦羅係我今晚最愛，大大隻飽滿蠔味濃，包紫菜同特製醬汁味道岩岩好，類似炸豬扒醬但唔會太甜或搶味，同食左拖羅卷一樣咁滿足。
壽喜燒可以試齊西冷、肉眼同牛肩，師傅煮得非常好，五成熟只係輕輕拖一拖，唔會太生，好似Baby咁幼嫩，令我反思至今食過嘅壽喜燒好似都overcook咗。
西冷毋庸置疑係最滑，油香十足。 肉眼相對牛味濃啲，滑但感覺到牛肉紋理。 牛肩就最扎實牛味最濃。 三款各有各好食，一次食哂幾好。 野菜拼盤都唔錯，比一般食到嘅清甜。
大蜆清湯樸實無華清清地，大蜆好鮮甜。
張貼
