宴．鐡板燒 (亨環‧天后)

營業中

休息中

早排帶左男朋友媽媽去食呢間高質餐廳，Lunch去食每位先$398，有刺身、壽司+鐵板燒，用料好高級，仲睇到靚靚海景，師傅好好人地送左甜品比我地食，食到好飽好開心🥳🥳⁂⁂⁂Lunch Special Menu⁂⁂⁂❀季節前菜❀鮟鱇魚肝打成cream狀，鋪響香脆多士上面，賣相精緻，食落綿密細膩，味道更勝鵝肝。❀季節刺身❀有油甘魚+淋上肝醬既右口魚邊刺身，油甘魚刺身食落淡淡甘甜；右口魚邊好肥美，魚油豐富，食果陣可以連埋紫蘇花食😋❀本日精選壽司❀池魚油脂較厚，入口質感爽脆；油甘魚腩厚實滑嫩，油花分布均勻。❀野生大虎蝦❀虎蝦起哂蝦頭既內藏，留返D肉+蝦膏，味道好似蟹膏咁甘香又充滿鮮味，蝦肉落少少檸檬汁就已經好好食。❀香草牛油帆立貝❀帆立貝燒完後都咁大粒，彈牙鮮甜，配上自家製醬油漬三文魚籽好邪惡😖❀香煎鵝肝伴藍莓醬❀鵝肝外見內軟，入口即化，配上藍莓醬中和左油膩感，食完後仲想食多件😙❀米國頂級牛肉❀有一款厚&一款薄牛肉，厚果款煎到7成熟，口感軟腍；薄果款包住炸蒜粒粒，好有驚喜，食到有陣陣蒜香味，又帶出牛肉鮮味。❀鐵板炒飯配海帶麵豉湯❀估唔到櫻花蝦炒完之後鮮味會出哂黎，炒飯粒粒分明，又帶有少少炭烤味。