酒屋一杯喜

營業中

休息中

📍酒屋一杯喜 🥢天后清風街1A-1B號美城花園大廈地下KL6號舖-一踏入餐廳，瞬間彷彿穿越到日本街頭的居酒屋，裝修走木系溫暖風，昏黃燈光營造一種既放鬆又帶點小儀式感的氛圍，好適合朋友聚餐或者約會。 🦐 川海老唐揚一上枱已經聞到陣陣香氣，炸得金黃酥脆，蝦殼脆得可以直接入口，咬落去「咔滋咔滋」聲，蝦肉鮮甜中帶點鹹香，下酒神器。 🥗 刺身沙律沙律清新帶層次感，刺身質素唔錯，配上爽脆嘅沙律菜，仲有酸甜嘅和風醬汁，清爽開胃🍗 雞腎、雞胸、雞軟骨雞腎彈牙，雞胸唔乾柴仲富肉汁，雞軟骨咬落去脆中帶香，三款各有特色。🥚 豚肉流心蛋*必食之選，豚肉包裹著流心蛋，外面鹹香且脆卜卜，內層帶蛋液香氣及柔軟質感，簡直係視覺與味覺嘅雙重享受。🍲 豚肉泡菜鍋鍋嘅湯底酸辣帶勁，泡菜味道唔會過重，豚肉片份量十足，仲有啲野菜同豆腐，吸晒湯汁後幾惹味。🍤 野菜天婦羅天婦羅炸得香脆不油膩，而且食材選料不錯，南瓜尤其深得我心，粉綿粉綿的。味道很不錯，有時太full會需要等位，建議提早預約。