餃掂手工餃子雲吞專門店

餃子係北方人嘅主要食糧，雖則我唔係北方人，但從細到大都鍾意，將餃子當飯食禮拜日偕朋友，返完教堂，去旺角打躉🚶‍♂️🚶‍♀️，飯後再逛街，心情靚靚😘😚誰知天不造美，雨越落越起勁無晒mood🙃；善解人意嘅朋友，話附近有間餃子店🥗，不如化悲憤為食量💪Good idea店名叫「餃掂」，係玩食字！門口玻璃窗，貼滿名人食相造勢，「天下第一餃」，先声奪人！入去視察環境， 開放式廚房，餃子現包現煑；地方okay，但座位就逼啲，要同人搭枱，唔係幾舒適，來去匆匆牆上兩大mon，寫滿處世格言桌上自家製醃蘿蔔，但見朋友猛咁食，話酸酸甜甜，爽脆兼醒胃餐牌首頁，老闆不忘分享個人理念同眾分店地址揭開餐牌，種類繁多：招牌松茸餃、芝士、韮菜豬肉、雲耳椰菜豬肉、大白菜豬肉、粟米豬肉、菜心豬肉、芫茜豬肉餃……，湯、煎、灼，任君選擇😋店員話此處無下午茶，且有最低消費，每人收40大元🤑叫個野生松茸素餃同韮菜豬肉餃，上桌有七隻，皮薄餡料足，味道確唔錯本人偏愛松茸，用灼嘅做法，原汁原味餃掂嘅餃子如朋友所言，少鹽少油冇味精，真係掂下次來會試埋龍鳳松茸同狀元湯