Abbraccio

🎄聖誕意大利午餐 @ Abbraccio趁住聖誕節，同朋友專登去咗大館附近一間好有氣氛嘅意大利餐廳食lunch慶祝！餐廳裝飾得好有聖誕feel，仲播住輕快嘅意大利文聖誕歌，未食已經好有節日mood～ ᑦ꒰ • ༝ • ྀྀི꒱ᐣ🍅 前菜 沙律普通咗啲，菜新鮮但醬汁冇乜特別。反而個蕃茄忌廉湯有驚喜！飲落好creamy，蕃茄味濃得嚟帶少少甜，仲有淡淡香草味，飲完成個人都暖笠笠。 🍕 主菜1：手工白汁雙芝士pizza 餅底係師傅即場手搓，邊位焗到脆卜卜，中間就軟熟有嚼勁。白汁加咗馬蘇里拉同車打兩種芝士，奶香超濃郁！雞胸肉絲份量足，煮得啱啱好一啲都唔鞋口，仲有少少香草調味，好食到停唔到口。 🍝 主菜2：長通粉配車厘茄白酒鮮辣椒 意粉煮得al dente，咬落有口感。白酒汁煮得好香，車厘茄爆開嘅鮮甜味好突出，辣椒後勁幾強，食完成個口都暖粒粒，朋友辣到要飲多兩口水，但話辣得好過癮！ 🍮 甜品 - 意式三奶凍：質地滑溜到好似食緊雲咁，浸滿三種奶香，配酸甜雜莓醬好平衡 - 提拉米蘇：馬斯卡彭芝士打得輕盈，咖啡同可可味突出，酒香若隱若現，食完唔會滯