1862 BAR DE TAPAS Y VINO

營業中

休息中

香港比較少食到正宗的西班牙海鮮飯，難得有朋友介紹就嚟試下呢間1862。到達大館後發現原來餐廳比較近賽馬會藝方。 平日夜晚餐廳都幾full, 今日就坐Bar枱位，順便近距離欣賞下主廚手藝。飲品點了2杯Virgin Sangria～先試了蒜香奶油炒小磨菇，味道剛剛好，每粒磨菇都爆汁，非常juicy。西班牙菜一定要試海鮮，火腿些利酒炒蜆，蜆肉大大粒非常飽滿，生熟度亦剛剛好，沒有過熟。廚師主動送上香脆麵包，蘸上火腿及蜆汁，的確非常美味！至於今晚主角，西班牙海鮮飯加蝦，非常有驚喜！外面許多餐廳都會加紅椒黃椒，令到成個飯好古怪。這裡的西班牙炒飯非常正宗足料，有大蜆，藍青口，帶子及尤魚，每款都十分有鮮味，並非一般雪藏貨。而2隻大蝦亦十分爽口，蝦膏鮮甜。一間餐廳食物美味固然重要，而用餐氣氛及服務質素亦不容忽視。呢度的服務質素實在用心，每位服務員都笑容可掬，會主動添水，讓整個用餐氣氛十分愉快。