豐味窯雞

營業中

休息中

觀塘好出名嘅外賣窯雞！工廈人流少，但晚飯時間差唔多個個都係拎住個橙色袋🤣。提早落定order，準時去到就拎得！原隻招牌秘製窯雞用幾層錫紙包住。拎嘅時候係新鮮焗起，搭半個鐘車返到屋企仲係熱辣辣，又唔會漏汁。一隻夠晒2-3人食🤫，性價比好高。仲可以喺外賣平台上嗌。肉質好嫩，勁多肉汁。以為成隻雞包起去焗，雞皮應該係豉油雞嗰種滑滑口感？點知又幾香口，感覺上焗嘅過程逼出咗唔少雞油。食完淨低嘅雞油+肉汁，用嚟炒菜一流😚。