川味王

營業中

休息中

突然間想食大陸風味嘅串燒，行過尖沙咀見到呢間個裝修都幾充滿大陸味，仲要播埋啲大陸歌，完全係嗰種味道。兩個人食少少嘢，所以淨係嗌咗啲串燒。佢個種類都算多。我哋叫咗啲雞嘅種類多啲，不過全部嘢睇落去都比較乾，可能呢度佢係炸完先至燒嘅關係，所以全部嘢都好乾身。如果飲品方面佢會提供埋涼茶俾人揀嘅話咁就更加好啦。其中有一串燒厚牛舌，都真係幾大塊㗎。不過唔知咬落去就超級林，可能因為佢係滷完先至再燒嘅關係，所以好入味。另外隻燒雞全翼都可以一試，佢都係好林好入味，加埋啲辣粉都幾惹味架。另外仲有一串燒墨魚丸，佢揀咗台式嗰啲花枝丸，所以食落去甜甜地，不過就唔係好彈牙嗰一種。除咗串燒之外，我哋仲叫咗個清酒煮蜆。雖然餐牌上邊係寫住清酒煮花甲，但我估佢應該係冇貨，同埋清酒都賣晒。所以嚟到嘅時候我食到係啤酒，因為佢多咗一陣小麥嘅味道。佢個份量都幾多，不過有啲就有沙囉。最後甜品叫咗一個燒玉子，呢個真係幾好食，不過如果唔係燶咗嘅話會更加好。兩個人食串燒都差唔多係咁嘅價錢，不過佢啲飲品就真係有啲貴，一包細嘅檸檬茶都已經要$12。