川味王

尖沙咀柯士甸路呢間「川味王」真係宵夜同重口味愛好者嘅天堂！佢主打川式小食、串燒同香鍋，味道夠晒地道，麻辣刺激，食得勁過癮！🌶️🌶️ 肥牛香鍋：呢個香鍋真係必叫！肥牛份量超多，配埋各種蔬菜同配料！麻辣味濃郁，麻得過癮，辣得香口，食落去油而不膩，撈飯一流！🍜 花甲粉：食完乾身嘅香鍋，嚟碗花甲粉平衡一下！花甲份量多。米粉滑溜，而且湯底帶點微辣！🍗 雞翼：雞翼烤得外皮焦香，肉質嫩滑，簡單調味已經好惹味，係宵夜必點嘅小食！🍆 燒茄子：茄子烤到軟腍入味，面頭鋪滿蒜蓉同辣椒，蒜蓉嘅香氣同茄子結合，做得非常出色！🔥串燒雞肉：雞肉串燒同樣做得好有水準，撒上香料，香口惹味。🥥 椰青水：食咁多麻辣嘢，冰涼嘅椰青水係最佳解辣飲品！天然清甜，即刻可以幫你嘅舌頭降溫！…查看更多

餐廳好闊落好有灘檔氣氛有人氣但係唔會太嘈好適合傾計聚會油煙味唔會太重 素食朋友介紹串燒檔餐單選擇非常多：燒金菇燒翠玉瓜燒金針菇雞髀菇土豆片虎皮青椒四季豆秋葵汁燒鮮冬菇原條牛油粟米蒜蓉原條茄子每一份嘅調味都非常惹味！ 隔離枱食到嘩嘩聲當然跟住嗌饅頭燒香蕉真係好好食！ 作為食肉獸嘅我都好滿足：大墨魚咀蒜蓉鮑魚台灣雞泡魚乾日本一口和牛粒紐西蘭羊架雞軟骨 🍚特別喜愛係燒羊架十分鬆軟唔會黐牙燒得好Juicy又有少少油脂味鍾意食羊嘅朋友一定有驚喜！ 🍚蒜蓉鮑魚65元兩隻價錢合理唔會乾身鮑魚爽口彈牙唔會燒得過硬必點！推介！ …查看更多

🐱呢間串燒店雖然寫尖沙咀但係比較近佐敦地鐵站🚉係間好正宗既川味串燒店，係門外已經聞到好香😍睇個價錢牌都合理就入左去試啦🤓多春魚：$48🌕🌕🌕🌕/5 有6條🤓條條都好肥美多春而且唔腥🤓厚切牛舌心：$38🌕🌕🌕🌕/5 必定要加檸檬汁🍋配埋佢個辣粉係超正😍蒜蓉燒茄子：$40🌕🌕🌕🌕/5 食串燒必點！燒到勁淋，自家蒜蓉辣椒粉調配得啱啱好，唔會過濃😃有時出面食果啲太重味就唔岩我🤣鵝肝多士： $70🌕🌕🌕🌕/5 呢個係一定要試！個面包超香脆，加埋個鵝肝有少少蜜糖係好驚喜😍食完都唔覺得好漏🤓雞皮： $26/2串🌕🌕🌕🌕/5 脆到好似炸咁😍食十串都冇問題🤣🤣錫紙花甲粉：$70🌕🌕🌕🌕/5 花甲同粉絲份量都好多，夠兩個人一齊share😍花甲好肥美，洗得乾淨冇沙！而且好辣鮮😆粉絲吸個麻辣湯又係好正😊備注：冇加一💰…查看更多

今日中午食得飽，無乜胃口，夜晚唔係好想食咁多，行行下見到就決定食串燒啦！少吃多滋味。串燒老有好多選擇，但真係要快啲食，入面有冷氣，所以好快凍。我最欣賞係個芝士扇貝同特級牛小排，芝士扇貝帶點焦香，肉質緊實有彈性，仲要甜甜地，真係好好味。特級牛小排夠哂驚喜，肉質鮮嫩，油脂豐富，濃郁牛香！食完想再多碟添。錫紙花甲粉冇諗過份量會咁多，粉絲浸係橙紅色湯裡面，吸飽左汁水，格外誘人。湯底咸鮮微辣，粉絲都掛哂濃郁湯汁。…查看更多

一班朋友聚舊，最緊要地方就腳、價錢親民，可以傾偈傾到飽。今次嚟到尖沙咀 「川味王」，就係貪佢夠晒地道，十幾蚊一串，點滿成枱都唔肉赤！今次試咗幾款串燒，整體水準不錯。火箭魷魚筒 同 燒多春魚 係驚喜之作，魷魚鮮味彈牙，多春魚燒得香口，魚春卜卜脆。一口牛 同 雞軟骨 都燒得啱啱好，牛肉肉質軟嫩，雞軟骨同 雞腎 就爽脆有嚼勁，送酒一流。蔬菜類同樣出色，燒韭菜 真係必點！燒到香噴噴，入口唔會太乾，保留到蔬菜汁液。燒秋葵 同 燒茄子 都唔錯，秋葵爽滑，茄子軟綿入味，加咗蒜蓉更加惹味。主食方面，肥牛炒烏冬 味道濃郁，烏冬炒得夠鑊氣；鰻魚炒飯 都炒得乾身，鰻魚粒唔少，味道唔會太鹹，幾適合香港人口味。總括嚟講，今次聚會好滿足，食物價錢平、種類多，環境唔算豪華但夠晒自在。如果下次再嚟，會想試埋其他海鮮同特色串燒！📍 川味王尖沙咀柯士甸路17號豐樂大廈地下2號舖#川味王 #尖沙咀串燒 #抵食串燒 #朋友聚會 #香港美食…查看更多

今日我哋一班朋友去咗川味食串燒，主要係聚埋一齊傾計，更新近況。🍢食咗火箭魷魚筒，味道幾唔錯，仲有燒多春魚，一口牛就係咁樣，肉質唔錯,雞軟骨同雞腎都幾有趣，燒韭菜、燒秋葵同燒茄子都幾好，特別係燒韭菜，味道幾香。🥦🍆至於煮食方面，肥牛炒烏冬味道濃郁都ok；鰻魚炒飯都唔錯🍚總體嚟講，今日嘅聚會開心，食物都平，十幾蚊一串，希望下次可以食到更好嘅東西！🎉地址：川味王 (尖沙咀)尖沙咀柯士甸路17號豐樂大廈地下2號舖…查看更多

$120/10串抵食隱世超惹味燒烤，火爆到外賣接唔停‼️蒜蓉生蠔蠔身飽滿爆汁！蒜蓉香爆，唔會蓋過鮮味，必點之選💯五花腩燒到金黃脆邊，肥瘦均勻，咬落油香四溢😋厚切牛舌心厚切彈牙唔韌，燒得啱啱好，肉汁鎖住咗👍雞軟骨脆口唔油膩，灑咗少少辣粉，送酒一流🍻雞中翼外皮香脆，入面嫩滑爆汁🔥花甲粉花甲量多無沙，粉絲吸盡鮮甜湯汁，微辣夠開胃🤤總括黎講全部串燒都幾好食，調料粉都灑幾多，配啤酒汽水都好過癮🍻…查看更多

每次飲完酒都好想食宵夜，多數都會去飲湯或者食狗仔粉。不過今日咁啱經過，見到呢間串燒店開到好夜，咁就一於嚟試吓啦。估唔到咁夜都有咁多人，呢度嘅環境好地道，而且好多串燒嘅款式都有，價錢一啲都唔貴。我最推介嘅就係呢個牛舌心，因為切得好厚，而且食落好有牛味，口感好好，估唔到個平價錢可以食到咁好食嘅牛舌。另外，呢個豬大腸洗得好乾淨，而且調味都啱啱好，完全唔會咬唔爛，而且好香好開胃。朋友就話雞中翼最好食，雞皮燒得好脆，而且雞肉好嫩滑，我試咗一隻都真係幾出色。呢間串燒店又平又抵食，而且氣氛好好，如果宵夜非常推薦大家嚟食呀。…查看更多

放工同朋友去咗尖沙咀覓食沿途經過呢間川味燒烤舖舖頭內裏裝潢比較似日本居酒屋風格🏮同朋友分別嗌咗7樣串燒一個花甲粉佢啲串燒比想像中好食尤其是佢個蒜蓉鮮貝 超級惹味個蒜蓉😋個牛舌每一啖都係啖啖肉 👅花甲粉超級大碗 我哋兩個人啱啱好店舖越夜越多人 佢嘅價錢都比較平民 🍽️🦪 蒜蓉扇貝(2隻)$70/2🐷 豬頸肉 $28/1👅 厚切牛舌心 $38/1🐮 一口和牛粒 $30/1🍄‍🟫 肥牛金菇卷 $28/1🐚 花甲粉 $70/1🍗 雞中翼 $38/2🍄 雞髀菇 $15/1🥤可樂 $12/1串燒仲可以揀辣度😻好似我哋唔係好食得辣 就揀小辣啱啱好🌶️…查看更多

【美食篇】｡ 𝕋𝕤𝕚𝕞 𝕊𝕙𝕒 𝕋𝕤𝕦𝕚✨小編🐨帶小編🍄覓食記💨💨💨今次我們去食川菜四川串燒店🍢✨👭🏻店舖串燒無論海鮮,肉類,菜類有多款選擇,以辣🌶️味為主打,既使少辣都香麻惹味#食到我們舔舔脷😋點選了,肥牛金菇卷,薄切肥牛捲着金菇真係好好食🤤雞髀菇厚切牛舌心,好厚實雞中翼蒜蓉扇貝帶子豬頸肉日本🇯🇵一口和牛粒加上川味辣粉的確好惹味好好食🤤🌶️辣味花甲湯花甲隻隻都有蜆肉,無論花甲定粉份量都頗多湯底就一般般😉有點藥材味🫣食串燒梗係要飲可口可樂🤤鋸一鋸😁❤️✨ғʀᴀɴᴋɪᴇ ᴀɴᴅ ᴊᴏᴇ✨❤️如果店舖能改善抽氣系統就更好🥲🥲鋪來就不用咁大陣燒烤煙味#喜歡食辣又想食串燒可以嚟呢度食😁最後多謝哂👏🏻小編🐨請我食豐富串燒餐🍢😋#記得以後要帶我食多啲正嘢✌🏻✌🏻📌川味王 (尖沙咀) 尖沙咀柯士甸路17號豐樂大廈地下2號舖…查看更多

踏進店內，瞬間被濃厚刺鼻的油煙嗆到！整間餐廳煙霧瀰漫，視線模糊，空氣品質極度惡劣。這般濃煙，不僅用餐興致全無，更嚴重的是，恐怕連呼吸都成問題，對呼吸道敏感的人來說絕對是健康殺手，誘發疾病風險極高。餐點上桌，心涼半截。點的幾道菜，竟有多處明顯燒焦，焦黑痕跡觸目驚心，散發著難以忽視的焦苦味。廚師對火候的掌控顯然嚴重失當，食材原味盡失，只剩下難以入口的苦澀。環境衛生更是令人作嘔。桌面黏膩不堪，手指一碰就沾滿油污；椅子同樣覆蓋著一層厚厚的油垢，坐下都感到渾身不自在。整個用餐區域骯髒無比，油膩膩的感覺從頭到尾伴隨，餐具也讓人疑慮是否清潔乾淨。如此油煙燻天、食物焦黑、環境髒污的用餐體驗，只能用「災難」形容。強烈建議注重健康與衛生的人士，絕對要避開這家店！奉勸店家立即改善通風、提升衛生標準並注意烹調品質。…查看更多

今次專程過嚟尖沙咀呢間隱世川式燒烤店「川味王」，一推門就俾佢個麻辣香氣攻陷咗！😍 餐廳走工業風設計，水泥牆加霓虹燈牌，開放式廚房可以睇住師傅即場炭火猛燒，夠晒氣氛！🔥Menu主打四川直送香料醃製嘅串燒，必試火箭魷魚筒同厚切牛舌心👏🦑火箭魷魚筒成隻手掌咁大嘅魷魚筒！咬落爽脆彈牙，秘製麻辣醬滲入每條鬚鬚，辣度直衝天靈蓋但忍唔住一件接一件～👅厚切牛舌心燒到微焦脆邊，中心位嫩到爆汁！撒滿孜然粉同辣椒粉，香到隔離枱都望過嚟～🍆蒜蓉燒茄子成座蒜蓉山咁鋪滿茄子！綿滑茄肉吸盡蒜香同辣油，食得非常爽🍗雞肉棒外皮燒到金黃脆身，雞肉嫩滑juicy！鹽燒帶出原汁原味，一串唔夠喉要encore～🍜錫紙花甲粉上枱仲滾緊！花甲多到睇唔到底嘅粉絲，湯底用咗四川泡椒熬成，酸辣鮮三味暴擊，嗦粉聲停唔到口！🍯蜜糖玉子燒甜品控必試！熱辣辣玉子燒淋滿蜜糖🍯，蛋香超濃又鬆軟，甜而不膩完美解辣～🥥椰青水x竹蔗茅根原個椰青水清甜透心涼🌴，竹蔗茅根煲到超濃郁，兩杯夾擊即刻降溫，完美Ending！💥總結人均$150左右食到捧住肚走！🔥 即叫即燒夠鑊氣，辣度仲可以自選，由BB辣到地獄級任你挑戰，性價比爆燈！👑 …查看更多

✨Blingbling美食推介✨📍尖沙咀｜川味王 Skewer King💠💠💠💠💠💠💠💠話明川味+串燒，當然要試川味王😋價錢唔貴，而且食物質素高~ 選擇都唔少架🤩 地道風味，以孜然辣粉為主打，唔係咁勁辣，但香麻惹味，一食上癮~ 鍾意食川味串燒既唔好錯過啦🔥🔥推介菜單 Highlights： • 厚切牛舌心 $38厚切爽口，孜然辣粉令牛舌好香口☺️而且仲好juicy！ • 肥牛金菇卷 $28牛肉包住金菇，口感層次豐富 😋 • 雞肉棒 & 雞軟骨 $30/$28 (各兩串)鮮嫩雞肉棒同香脆雞軟骨，食串燒必點🔥 • 翠玉瓜 $15清新爽口，孜然味條瓜香氣撲鼻，而且好厚切，好juicy😍 • 蒜蓉燒茄子 $40茄肉綿滑配蒜香微焦炭香又夠味😋 • 錫紙花甲粉 $70花甲分量好多，湯汁辣中帶鮮，粉絲吸滿味道，好惹味😍餐廳環境 ：💎💎💎💎💎 /5服務質素 ：🌸🌸🌸🌸🌸 /5食物味道 ：😋😋😋😋😋 /5性價比 ：💰💰💰💰💰 /5川味王 Skewer King📍尖沙咀柯士甸道17號地下（明豐大廈） …查看更多

叫咗四隻蠔，有兩隻臭咗，同員工反映，個姐姐講系成批一齊嚟冇可能，叫佢試佢唔肯，但確實不洗咬一啖，就甘聞都聞到臭，員工工作散慢，態度差，由其系個5十幾歲嘅呀姐，大大声話同一批，不停講，不會再去呢間店 ！！！…查看更多

👭【姐妹放工快閃尖沙咀 串住宵夜魂🔥】放工行過尖沙咀，肚又餓、人又攰，就諗住搵個地方hea下食啲串燒，最後揀咗川味王。啱啱坐低就聞到陣陣炭香，成個人精神晒✨🥩 薄切牛舌 燒得好香，切得夠薄，咬落爽但唔韌，配孜然一流，🍢 真係忍唔住想encore！🐮 一口和牛粒 好有肉味，外層燒到微脆，咬開仲有肉汁💦，好邪惡但好滿足，閨蜜都話好味😍🦴 雞軟骨 夠乾爽脆口，咬落去咔啦咔啦，👍🏻 配杯啤酒啱晒🍻🍗 雞中翼 醃得入味，小辣啱啱好🔥 唔會太搶，穩陣之選～🦑 墨魚咀 煙韌彈牙，無腥味，越咬越香～真係停唔到口😆🌭 台灣腸 外脆內嫩，甜甜地，加埋蒜蓉醬🥹＝開心又罪惡💥🛋️ 環境方面 地方細細，有啲懷舊feel，燈籠裝飾幾得意🎏 不過油煙味重咗啲，要有心理準備～💸 價錢方面 人均大約$120左右，性價比唔錯，味道有驚喜✨📍 總結：川味王 = 串燒界小驚喜！ 成晚食得開心又滿足，下次一定試埋佢錫紙系列同燒海鮮～🦐🔥…查看更多