金子半之助 (奧海城二期)

營業中

休息中

太耐冇食天丼，即刻諗起金子半之助，今次嚟到奧海城分店，座位十分寬敞舒適。半之助沙律今次想健康啲揀咗半之助沙律，嘅沙律菜、車厘茄加上胡麻醬汁已經好好食，估唔到原來沙律都有招牌海老天婦羅，畫龍點睛。燒三文魚天婦羅御膳主食方面叫咗一個燒三文魚天婦羅御膳，份量非常多，有原條燒三文魚、天婦羅炸物，麵豉湯，前菜和白飯。燒三文魚調味很不錯，燒得剛剛好，上面仲有幾粒三文魚籽，加上天婦羅炸物，多重口感，層次豐富。迷你海老天丼&稻庭烏冬朋友點咗招牌二食，一個餐有齊迷你天丼加稻庭烏冬，如果唔鍾意食烏冬嘅朋友可以揀蕎麥麵，選擇眾多。呢個迷你天丼有海老天婦羅、南瓜天婦羅、雜菇天婦羅等，仲有一隻炸流心蛋非常豐富！稻庭烏冬方面都有好多Topping可以自己選擇，店員有拎到一個類似百寶盒出嚟，入面裝滿不同款式topping，例如蔥、昆布、脆脆等，打卡感十足。下次也可以試吓其他口味嘅天丼！