老厝邊 (已結業)

今日約左朋友去大角咀開飯…上次我介紹佢食潮州野今次到佢佢帶我食台灣野…呢間佢平時lunch黎話便當幾抵食…可惜我地遲左黎…便當已經停左…老厝邊裝修都幾有台灣風味…牆上有解釋'老厝邊'就係老鄰居既意思朋友點左牛三寶麵…我就貪心d點左細晡魯肉飯加香蔥油乾拌麵…再加多個海陸炸物拼盤…因為見到有花枝丸…魷魚牛三寶湯麵都幾多餸…除左牛𦟌…牛筋同牛肚。仲有蘿蔔…鹹酸菜好多配料。見到咁正就係朋友度偷左少少三寶同湯試下…牛𦟌煮得好鬆化但又唔會無左咬口…牛筋好好味夠腍同煙韌…牛肚帶少少爽口都好味…湯頭好清甜。我個魯肉飯望到就覺得好正…魯肉多肥d先好味…個汁調得唔錯…配飯一流…個蔥油拌麵…麵質煙韌有咬口唔錯…配蔥油好香口…個拼盤好大個…有炸花枝丸…鹽酥雞…炸栗米仔…炸甜不辣…四季豆。呢個好惹味…唔會炸到乾爭爭…又唔會好油。要讚下個甜不辣煙煙韌韌好味見到隔離檯點左蛋餅都幾好味…有機會試下呢度野食唔錯…價錢又唔貴…