影片
更多
2024-11-25
487 瀏覽
好吃吃光 Eat Up📍大角咀博文街4號地舖大角咀一間台式小店一向喺我嘅收藏清單上，每次見到signature嘅月見海鮮魯肉飯，就能認出係好吃吃光嘅出品。星期五放工後實際去到，發現店面比相像中細，不過座位都唔少，等咗好幾分鐘就有得入座。坐落第一樣見到嘅係「可以要求多飯、少飯或加飯一次」嘅label，朋友同我都好好奇到底係咪真係同大部份台灣小店一樣，都可以加飯㗎呢？係加白飯定係加魯肉飯呢？有興趣嘅記得睇埋下文！ 💰$42起司雞扒蛋餅 🫔有大大塊滑嫩雞扒嘅起司蛋餅都只係$42，價錢真佛心！蛋餅表面煎得脆脆，內裏濕潤帶些少煙韌，中間夾有雞扒、起司同生菜，淋上滿滿醬油膏，一啖食到多種食材嘅美味、多重層次嘅口感，雖然唔似正宗台灣早餐店嘅口味，但都好好食！ 💰$42手工鮮奶麻糬 🥜有花生同芝麻兩種口味，鮮奶麻糬都係即日手工製造，特意選用Meiji鮮牛奶，令奶味更香更出。台式麻糬口感軟糯，用筷子輕鬆𠝹幾下就能獲得麻糬糰子一粒，再將糰子沾滿碟邊嘅花生碎，又好玩又好食！ 💰$118月見海老蚵仔鮭魚蝦卵魯肉飯 🍱難得嚟到就緊係要揀返碗最具人氣嘅月見海老蚵仔鮭魚蝦卵魯肉飯啦，有齊各款魯肉飯嘅toppings
📍大角咀博文街4號地舖
大角咀一間台式小店一向喺我嘅收藏清單上，每次見到signature嘅月見海鮮魯肉飯，就能認出係好吃吃光嘅出品。
星期五放工後實際去到，發現店面比相像中細，不過座位都唔少，等咗好幾分鐘就有得入座。坐落第一樣見到嘅係「可以要求多飯、少飯或加飯一次」嘅label，朋友同我都好好奇到底係咪真係同大部份台灣小店一樣，都可以加飯㗎呢？係加白飯定係加魯肉飯呢？有興趣嘅記得睇埋下文！
[價錢 Price]
💰$42
起司雞扒蛋餅 🫔
有大大塊滑嫩雞扒嘅起司蛋餅都只係$42，價錢真佛心！蛋餅表面煎得脆脆，內裏濕潤帶些少煙韌，中間夾有雞扒、起司同生菜，淋上滿滿醬油膏，一啖食到多種食材嘅美味、多重層次嘅口感，雖然唔似正宗台灣早餐店嘅口味，但都好好食！
[價錢 Price]
💰$42
手工鮮奶麻糬 🥜
有花生同芝麻兩種口味，鮮奶麻糬都係即日手工製造，特意選用Meiji鮮牛奶，令奶味更香更出。台式麻糬口感軟糯，用筷子輕鬆𠝹幾下就能獲得麻糬糰子一粒，再將糰子沾滿碟邊嘅花生碎，又好玩又好食！
[價錢 Price]
💰$118
月見海老蚵仔鮭魚蝦卵魯肉飯 🍱
難得嚟到就緊係要揀返碗最具人氣嘅月見海老蚵仔鮭魚蝦卵魯肉飯啦，有齊各款魯肉飯嘅toppings，擺放得好有心機，用眼睇都覺得賞心悅目。好好打卡後，就要好好拌勻，好好吃光。食到剩下三分一時，朋友向店員查詢加飯一事，原來真係有得加！而且係即刻俾一碗熱辣辣，淋滿魯肉汁嘅珍珠米白飯，各位男孩子、大胃王唔洗擔心食唔飽啦！
套餐仲包一杯指定飲品，我哋揀最classic 嘅冰阿薩姆紅茶去去膩，為呢晚畫上句號。
張貼
