校長燒肉日韓料理 (觀塘廣場)

營業中

休息中

主打日式及韓式放題。一入餐廳，各款刺身壽司、燒肉及火鍋配料都有！刺身有三文魚、甜蝦、八爪魚、帶子和吞拿魚，每片都厚身 仲有三文魚壽司、鰻魚壽司和加洲卷等，選擇豐富。餐枱上設有韓燒爐，客人可選擇多款韓燒食物，例如香辣厚切五花腩、啖啖內的日式雞扒、脂肪和肉比較剛好的牛五花、三文魚骨腩、豬腩片和金沙骨。除了韓燒，仲有火鍋。湯底有三款，日式豬骨湯、壽喜湯和韓風辣湯。日式豬骨湯，湯底好夠味，又唔會太咸，仲帶有濃郁的豬骨香味。韓風辣湯辣度適中，火鍋材料有芝士波波腸、台灣腸、煙肉、各式丸類，仲有好多蔬菜，包括翠玉瓜、雞脾菇、娃娃菜和金菇等。甜品仲有好滑的豆腐花、好多款味道的CocoBerry 雪榚、水果冰片和布甸等。餐廳位置方便，環境寬敞，服務員會定時為每枱的韓燒爐更換吸油紙。如果餐廳能提供日式甜品或韓式前菜，就更好了！