校長燒肉日韓料理 (觀塘廣場)

營業中

休息中

收左工約左朋友晚飯，我地都鐘意d 一口價任飲任食，包食得飽又多元化咩都有得食，唔洗就住就住。不過好多任放題都係得兩個鐘，其實就幾趕下，朋友介紹依家「校長燒肉放題」有個高質plan可以任飲任食3個鐘！！咁一於去試下。3個鐘包d咩呢？每位$298加一，包任飲啤酒生啤、刺身、火鍋、燒肉、同貴價雪糕🍦性價比確實無得輸餐廳好大，座位好寬敞，慢慢食慢慢傾，確實唔錯！食物款式好多，花茶、汽水、夾糖、甜品等等，應有盡有，我相信都無嘜人有本事試得曬全部燒烤類勁多款重有火鍋配料重有靚肉一碟炸物新鮮熱辣即叫即做，香脆可口呢個餐堅抵食除左係三小時外，貴價雪糕同任飲特色啤酒絕對係翻本之選！！！大大杯，好好飲，估唔到芒果沙冰既芝士奶蓋又幾出色，重要超大杯，無限點。早排去食韓國嘢，單點一杯左手邊蘋果酒配芒果士多啤梨沙冰，已經$78好滿足，經濟實惠，值得再來

傳聞中的「校長燒肉」，評價兩極得令人卻步——有人說CP值爆燈，有人嫌肉質平庸。抱着「大不了當交學費」的心態，某個餓得發慌的午後，終於推開觀塘廣場15樓那扇低調的門。 環境：工廈裡的燒肉學堂餐廳比想像中寬敞，卡位間距剛好，不會近到聽見鄰桌八卦。最驚喜是抽風系統，吃完身上竟沒黏附「烤肉味香水」。窗邊位還能俯瞰觀塘街景，看着樓下行人衝紅燈，莫名有種「我在吃放題你們在趕工」。食物：貪心鬼的三修盛宴 這裏主打「燒肉+火鍋+刺身」三合一，價錢卻比單修店還便宜。午市$200有找，難怪隔壁桌的OL一人獨享，吃得理直氣壯。 - 燒肉區：預醃肉類是懶人救星，土匪雞翼裹滿孜然芝麻，烤到微焦時香氣逼人，肉質竟保持嫩滑；廚師腸重現童年回憶，炭烤後脆皮爆汁，朋友笑稱「腸仔界MVP」。 - 火鍋區：豬骨湯底中規中矩，但能拿燒肉食材來涮，譬如把五花肉片燙熟蘸沙茶醬，瞬間解膩升級。 - 刺身檯：三文魚厚切得近乎豪邁，油脂紋路清晰，鮮甜度超越同價位放題；赤蝦雖非極品，但無限追加已值回票價。 彩蛋：校長の幽默 - 自製花茶區：標榜「養生」，但看着食客狂吃肉後猛灌洛神花茶「排毒」，莫名有種罪惡感平衡術的諷刺。

😂哈哈，係觀塘見到感覺ok，唔貴，約朋友一起來食係唔錯選擇。韓燒自助區的選擇非常多，豬雞牛都有，已經預先醃製，唔需要醬油配搭都好味，包括牛五花、大醬牛肉片、一口牛，梅片肉、香辣豬頸肉、醬汁豬扒、香草和日式雞扒、土匪和蜜汁雞翼。除此之外，仲有火鍋區入面嘅選擇好多，唔中意燒烤可以將食材都可以用來打邊爐。刺身區有赤蝦、帶子、刀馬貝、三文魚、吞拿魚等，赤蝦好大隻，食落肉質好鮮甜，其他刺身好新鮮。熟食區有章魚小丸子、餃子、炸雞塊、春卷、薯條等，全部都係自助任取。點心區都有各式各樣嘅中式點心，粉果、燒賣、糯米雞等，全部都個係熱熱地。甜品櫃都有好多甜品布甸，我試咗榴槤布甸都唔錯，仲有冰粉自助，蝶豆花冰粉透心涼，軟雪糕任食，仲有小朋友最鍾意嘅夾糖區。飲品櫃都有好多各式各樣嘅飲料，仲有我好少見到嘅飲品，韓國士多啤梨蘆薈汁都好好飲，唔中意凍飲仲有花茶區，唔同花茶配料可以俾你任意配搭。

觀塘燒肉放題嚟講，「校長燒肉日韓料理」絕對係隱藏大佬！「社交平台打卡福利」讚好即送嘅高級肉拼盤，北海道A4和牛肋條同黑毛和牛真係靚到癲：輕輕一燒油脂吱出嚟，入口即溶仲帶奶香！美國手切牛牛味濃，豚腩焦脆夾生菜食超正～ 自助區勁過癮：刺身選擇多樣，牡丹蝦、帶子、三文魚等鮮甜肥美食左好多；炸物區有薯條、麥樂雞、春卷等，另外升級炸物畫單落 - 吉列生蠔外皮酥脆內裏creamy，雞皮餃子脆到「咔嚓」聲，送啤酒一流！燒肉食到一半我哋玩火鍋烚菜，清清味蕾再戰過～ 飲品絕對係高潮位：生啤任飲唔嬲！支裝啤酒款式比得上便利店；必試水果沙冰芝士奶蓋系列：百香果酸爽、芒果香甜，芝士奶蓋濃滑似飲緊奶茶～另有Cocktail Menu，試左蘋果酒草莓芒果沙冰，賣相都贏左，又係任飲，係酒吧飲杯都要一百幾十！ 甜品控注意：Mövenpick、Häagen-Dazs獨立杯裝雪糕，仲有軟糖、啫喱、豆花等，飽到上心口都要食！

落完堂去了附近一間任食燒烤在觀塘廣場，二百幾蚊就可以吃到很多食物，最吸引就是有多款日本大牌子生啤和支裝啤酒🍻無限𣈱飲 Sake汽水都有，無限食牛小排花茶區都有菊花、蒲公英、洛神花、茉莉花等共有16款花茶之多。刺身區壽司🍱區全部新鮮厚切，希靈魚、赤蝦等原隻上，帶子好大粒。肉類區域都分熟食區和燒烤區有多款：-芥末魚丸、麻吉燒、豬腩片、三角魚片頭、梅肉片、蒜蓉雞扒、牛五花腩等肉類味道醃料不錯，再沾上醬汁好味道👅熟食區連懷舊碗仔翅、陳皮魚蛋都可以食太正啊！蔬菜類：-雞髀菇、翠玉瓜、枝竹、野菜餅、韭菜等。可以有火鍋拿不同瓜菜丸肉類烚下烚下。甜品區超級多款，啫哩、布甸🍮 大菜糕、西米露等大熱甜品。😍如果不喜歡吃甜品，雪糕雪條甜筒一定吸引到你。有好多都沒有吃因為胃已經填飽了，不想浪費食物🥘

踏入夏天，天氣開始炎熱，香港人依然喜歡吃烤肉，午飯時間食燒肉放題，餐廳冷氣足夠就不成問題。地方闊落多卡位，火鍋和燒烤雙重享受。多款燒烤肉類和蔬菜丸類，雞翼、金沙骨、牛五花、紅腸、香腸、豬頸肉、雞腎、墨魚丸、牛丸、貢丸和魚丸等，即燒即吃，脆香美味。店員又會主動更換燒烤爐紙，方便食客烤肉。燒烤期間一邊等待，一邊食下三文魚八爪魚和希靈魚等刺身，又有馬拉糕和燒賣等點心，薯條和炸餃子多款小食，還可自選湯底食火鍋，淥麵和蔬菜丸類都係唔錯嘅選擇。多款甜品，啫喱、燉蛋、布甸、大菜糕，還有爆谷和糖果，吃得幾滋味。飲品冰凍又多選擇，食燒烤嘅最佳配搭。總括來說，烤肉食材豐富鮮味，用餐環境有氣氛，充滿風味和樂趣。

今次同班friend殺上觀塘廣場15樓嘅「校長燒肉日韓料理」，位置唔起眼，但其實開左好多年，地膽一定識！我哋食$298價位，入座店員就叫我哋社交平台打卡讚好，可以免費升級送咗盤限量高級和牛豚肉拼盤，入面有齊美國頂級手切牛、北海道A4和牛肋條、A4黑毛和牛同千歲米豚腩！重點推介北海道A4和牛肋條同黑毛和牛，燒到微焦一咬落去——油香爆出嚟，肉質軟到好似雪糕咁化開，「牛魔王」必食！ 自助區亦都豐富：刺身十幾款，大蝦鮮甜到彈牙、帶子厚切細粒無渣，三文魚油潤，仲有榮螺、魷魚⋯⋯回本位之一！燒物區種類好多，雞扒、雞翼、三文魚、雞腎、豬扒、牛仔骨、秋刀魚等等等不能盡錄！食太多肉怕膩？我哋直接開個火鍋，夾左好多蔬菜菇菌平衡下！飲品選擇係酒吧級：生啤任斟！仲有支裝啤酒、水果沙冰芝士奶蓋，試埋cocktail menu嘅蘋果酒草莓芒果沙冰，酸甜清爽夾燒肉一絕！隔離枱阿哥話齋：「出面酒吧飲兩杯都$200，呢度包埋任食刺身燒肉，仲有一盤靚肉送，抵到爛！」 甜品胃記得留位，爽食Mövenpick同Häagen-Dazs等多款，出面買都要幾十蚊一杯嘅雪糕甜品！

好久沒有吃自助餐了，擇日不如撞日就今天來一餐自助餐啦。校長燒肉日韓料理由前菜到甜品，由刺身到燒烤，菜式應有盡有。前菜區：新鮮脆嫩的沙律菜、清爽多汁的青瓜，搭配酸甜的泡菜和酸辣菜，既開胃又解膩。刺身區：三文魚色澤橙紅，吞拿魚肉質緊實細膩，希靈魚鹹香適中，還有八爪片、馬刀貝等，都是海鮮愛好者的愛寵。熟食區：中西式合璧，中式點心，糯米雞荷香撲鼻，燒麥皮薄餡大。老火湯能感受到媽媽的手藝。小食區的油條金黃酥脆，洋蔥圈香氣四溢，春卷、薯條令人食指大動。燒烤區：各種醃製的豬肉、雞肉、雞翅、牛肉等口味多樣化。蔬菜區：萵筍、番茄、白菜、冬菇、金針菇等新鮮爽脆。甜品區：更是這一餐的完美終章，有嫩滑的布丁，甜而不膩的提拉米蘇，自助軟雪糕軟綿奶香濃郁，然後Oreo碎、朱古力針、抹茶餅碎等口味自由搭配。

$298任食3小時，最大賣點就係A4北海道和牛任燒！油花靚，肉味香濃，燒到微焦時超級香口；另外北海道豚肉**都唔輸蝕，肉質嫩滑，醃得入味，燒完唔會乾柴～ 小食方面有炸蠔，外脆內嫩，蠔味濃郁，幾有驚喜！刺身有三文魚、甜蝦、帶子等，厚切鮮甜，壽司選擇都唔少。燒肉區可以同時打邊爐，湯底濃郁，配料選擇多，邊燒邊煮都得～ 飲品有生啤、梅酒、花茶任飲；雪糕區超吸引，有Dryer、Movenpick、Häagen-Dazs（當日有開心果、焦糖脆餅）同阿波羅雪糕三文治，甜品控必試！ 加埋主動換紙嘅貼心服務，整體氣氛輕鬆，啱晒朋友聚餐～😋🔥

呢日收工開心仔去食燒肉🤤 朋友要ot我喺apm度行咗一陣等佢，出返嚟發現對正apm原來有個入口寫住可以直接到校長燒肉，直入轉左就有部𨋢可以上到去，超方便之前睇過openrice都見呢度超多嘢食，坐低循例都係睇下menu有咩叫先，估佢唔到竟然有雞皮餃子，即叫 好食！另外芝麻雞翼同芝士年糕都超好食，大推因為無特別想飲酒，最尾我哋都係試咗特飲，叫咗綠茶可樂同芒果沙冰芝士奶蓋。綠茶可樂中規中矩，感覺同正常啲波子汽水冇乜分別，反而個芒果沙冰芝士奶蓋有驚喜，同出面手搖嗰種奶蓋好似有啲唔同，但係溝埋意外地幾好味，偏甜注意之後出去行咗圈見到有火鍋，刺身都唔錯，可以自己整麥旋風，雪糕啤酒飲任飲嗰度都幾多款揀。職員仲特登提我整麥旋風嘅時候 一定要攞穩個杯😂 不過收工好攰無咩戰鬥力，好多嘢都試唔到燒肉最開頭會default上個豬牛都有嘅拼盤，之後就可以任叫，不過呢度叫staff有啲難，如果可以手機落單或者加個bell叫人會好啲

父親節前夕8:30後入場，成人$199+10%，已經係「最頂級配置」包燒肉、火鍋、刺身任食！以呢個價位嚟講，絕對係平價之選。 ✨優點👉🏻玩味元素多例如:自己調配花茶,DIY甜品站：自製麥旋風、脆皮軟雪糕（朱古力/綠茶脆皮） 、什至夾糖都有😂👉🏻超級多嘢揀由前菜到甜品都好多得揀。前菜：泡菜、螺肉、鳳爪、中華沙律各種沙律菜等燒肉打邊爐刺身都有，點心都有，想食隻叉燒包都冇問題什至想食粥食飯都有😂👉🏻刺身:意外地OK！我淨係食三文魚，如果加$20就有剌身都好抵食👎 缺點*- 全部肉類都醃製，名副其實平價肉，肉就一般般- 衛生情況一般般🙂‍↔️地下油粒粒- 🍲 邊爐菜品嘅選擇少，得白菜仔🥬同牛肉同丸🌟 總結呢個價錢唔好期望高級質素，但求開心飽肚絕對合格！覺得乜都可以食少少玩下都唔錯👍🏻

燒肉x火鍋x刺身 三重自助餐，一個價錢三種體驗~場地好大，分左兩邊座，卡位同近食材區地方都有，可以自由選擇~最強三小時生啤任飲，好適合一班朋友暢飲暢食生啤永遠都係有個大杯自己斟最好飲! 口感更清爽升級三小時仲可以無限任飲特飲、刺食每材特飲都超有份量，賣相都好有誠意百香果梳打，含cocktail 7%酒精，加入梳打味道天加清新，酒味唔會太濃，好容易入口只要like and share FB 就可以有任食A4手切和牛!!! 一定唔可以錯過肉質有大理石花紋，脂肪分佈均勻，每面煎大約20秒就足夠，牛味非常濃郁，肉質細膩柔嫩蔬菜、丸類、大量已醃製肉類，豬、牛、雞多款選擇小鳥胃想每樣都試下，一定係每款都夾一件黎食!醃製口味唔會太濃，味道剛好，仲可以自由加入辣粉同鹽，增添風味雞扒肉質超嫩滑，就算燒耐咗，都唔會好柴雪糕、雪條、冰糖葫蘆、葡萄等甜品炸物都係任簡任食超特別山楂冰糖葫蘆，山楂微酸，包裹糖漿甜度剛好下次一定要再黎，食多D肉!!

一行4人， 選擇生啤任飲任食燒肉套餐， （今次享有4人同行一人免費優惠），食物選擇多、有剌身、壽司、炸物、沙律、點心、甜品， 火鍋料、話明生啤任飲，當然唔小得啤酒啦， 除生啤外仲有枝裝啤酒， 啤酒類選擇至少超過6款或以上。其實食物質數只是一般，不過咁既價錢，咁多野食，絕對低食👍👍。不用叫服務人員，他們會主動換紙（換紙次數都算密）及收碟 ， 值得讚👍👍。不過美中不足的地方是沒有水果供應， 這點有待改善，但整體上係好， 值得再黎食。

話說工作日剛好有兩個鐘休息，想著平平地吃個烤肉選了這裡，兩個人烤肉198，另外一人50加多火鍋刺身，需要自己拿鍋裝湯底，可以說沒有服務員服務，食材少得可憐，肥牛只有一樣也是非常差的，刺身只有三文魚能吃，八爪魚那些一咬裡面都是水，相片裡基本就是本次吃的，沒幾樣可以吃，兩個鐘時間吃不到一個鐘就已經不想吃了，沒一樣好吃的，都是非常差的急凍食材！！！最最重要的是，兩個人之後都連續拉肚子！！！！不止不好吃還要不新鮮，奉勸大家想清楚再來

成日聽校長燒肉好伏，搞到我一直都冇去食過😂前排朋友竟然話好想食，再三確認後就去咗。佢哋係「燒肉+火鍋+刺身」三合一，晏晝去每人$200都唔洗，我見下午茶仲要勁多一個人過嚟食😂其實性價比都幾高同滿足到肉食愛好者～佢哋種類都好多，基本上你講得出嘅都有😂誇張到仲可以打邊爐，食點心，同埋自製養生花茶！-燒肉區🍖雖然係預醃肉類，但可省去調味煩惱～我地覺得廚師腸好好食😂好少餐廳仲係用廚師腸。而依度竟然有土匪雞翼🍗 外皮裹滿孜然與芝麻，炭烤後皮脆肉嫩，帶淡淡辛香。 -火鍋區🍲除咗燒肉仲可以打邊爐！湯底/配料都可以自己拎～仲可以去烤肉部拎食材打邊爐都得😯-熟食與甜品🍮估唔到小食有章魚小丸子可以任夾！而點心區我鍾意燒賣！凍咗嘅時候仲可以放返落去燒熱佢🤣欣賞佢甜品區，除咗可以拎一件件/杯蛋糕之外，仲可以自製涼粉，好食！-飲品🥤午市亦可任飲啤酒！好高CP值～仲有啲嘢飲我未見過😨番石榴汁好好飲!