沾仔記 (威靈頓街)

營業中

休息中

去完中環大館後，搵野食。中環出名食物貴，要搵間平平地又好食既鋪頭唔易。沾仔記附近有幾間都係食雲吞麵既鋪頭，見到尼間望落吸引d，價錢都只係每碗$30。叫左雲吞麵，牛肉麵，鯪魚球麵。雲吞大粒之餘，仲有好多鮮蝦肉係入面，成粒都好似用蝦肉整，鮮甜。牛肉係生生地，用熱湯淋一淋，就熟番，牛肉唔會太韌。而鯪魚球方面，個人對於係街市買既鯪魚膠好抗拒，因為有陣味。但尼到既鯪魚球完全冇個陣味，即使加左胡椒，都冇搶走鯪魚既味。而且2球鯪魚都大大粒，鯪魚膠打得夠彈牙。好彩等陣5mins左右就有位坐，如果唔係就有排等。