譚仔雲南米線 (安年大廈)

營業中

休息中

香港人熟悉嘅譚仔雲南米線，由一間無人知曉嘅小店做到街知巷聞嘅連鎖店。聽講譚仔嘅命名係同老闆個名有關🤔，唔知老闆係咪姓譚嘅呢🤣。店面環境整潔，配合柔和嘅米黃色燈光，令人感覺溫暖。我朋友正一大鄉里，竟然無食過呢個過橋米線，所以一定要叫比佢試下囉，我都好喜歡食呢個粉，因為有好多配料，樣樣餸有啲 (墨丸、牛丸、魚旦、雞肉、豆卜、豬腩肉、牛肉、酸菜、炸醬等等。。。)，多到都講唔晒，正所謂大碗夾抵食，哈哈，譚仔嘅酸菜真係好鬼好味。每次我都係選擇清湯，今次試下我從未試過嘅蕃茄湯底，個湯底不太酸，味度恰當。必食火辣辣嘅土匪雞翼，剛炸起嘅雞翼味料獨特，記得灘下先好食，如果唔係就燙親個嘴仔呀😅。