譚仔雲南米線 (安年大廈)

見報紙廣告譚仔出左新產品 ~ 酸辣金湯米線，湯底是以黃燈籠辣椒、南瓜蓉及雞骨湯製成。配菜指定為虎蝦及鳳城水餃，便相約同事一道去試新野。選了小辣味道，差不多十分鐘就送到。湯碗是特製麵碗，跟平時用的不一樣，較高身，有一條蘆筍及紅椒片作點綴裝飾，湯料有娃娃菜作配菜，跟平時的芽菜、腐皮、韭菜都不一樣。（同事不吃韭菜才夾過黎😂）金湯比預期想像中清爽，酸辣平衡恰到好處，也很開胃，但就喝不出有南瓜味道，虎蝦就是一個彈牙，蝦味普通；反而鳳城水餃有驚喜。虎蝦跟水餃都是每樣3件。這個湯底有驚喜，希望可以列入為做恆常餐單，做期間限定會覺得太可惜。…查看更多

職員放低左餐牌之後, 鋪面無人落單, 收銀位置一個聽講電話收錢, 另一個職員入埋去, 嗌落單, 完全無人理d客, 我同旁邊個台客分別坐喺度等左5分鐘同3分鐘。後來個收銀走左出黎, 隔離台個客同佢講落單, 佢應左聲又行開左, 你唔得閒又無叫其他人過黎幫手落單, 係咪想食客同廚房心靈感應? 之後剛才提名入左收銀的另一個職員, 行出黎又走左去, 即刻叫住佢, 似乎好唔情願咁落單, 呢間分店其實係咪未出糧? Btw呢間分店聽得最多個句係: 自己落單係咪? 唔使好好招呼, 但咁ge境況, 難怪咁多人北上, 正常招呼食客咁困難咩? 最後, 間店的燈掛到低過客人身高想點, 係咪要啲客彎腰出入? …查看更多

見到出了新品叫「哈密瓜爵士湯米線」，還請來「九龍城寨之圍城」演「城寨四少」之一陳洛軍的林峯來加持，大鑼大鼓，提起了我的興趣。「爵士湯」的來頭，它是以響螺頭與蜜瓜入饌的湯，最早揚名於八十年代的「西苑酒家」，鄧肇堅爵士經常來喝此私房湯，材料還有以老雞、雞腳、花膠、沙參、玉竹等，顏色帶啡色，清甜味鮮，有滋補養顏食療作用，所以亦被命名為「爵士湯」，且口碑一傳十，十傳百。譚仔這系列叫「Taste The Rich」，是想像高檔食材以平民價發售？！價錢佢稱之為「輕奢價」，第一次聽這個名詞，有創意，哈！午餐來試試效果怎麼樣，「哈密瓜爵士湯米線」，輕奢價 HK$49 碗湯底顏色金黃，與碗的顏色差不多，餸菜有四塊螺片、三鍵燉排骨：先品嚐一下湯底，第一感覺是太鹹！細意品嚐味道，甜味有些假，嚐不到鮮味，始終湯底是一碗米線的靈魂，加上它以此作招徠啊。雖然我已事前將期望值降低，卻還是覺得怪怪地，也與「爵士湯」有一定巨大距離：螺片很大塊，是不是「真正」螺片不得而知，公道講作為譚仔米線的餸菜之一，合格的：口感軟熟帶些嚼勁，味道就是和湯底一樣：這幾片螺片是我唯一感覺到有些貴氣的地方，是否就是它形容的「輕奢」？反而燉排骨我覺得不錯，用上半肥瘦「一字排」，應該是分開煮的，肉軟入味：我個人喜愛這種排骨多過豬軟骨，骨肉分明，它骨頭也沒有那種令人討厭的豬躁味，亦吃不到雪藏味，整體處理得不錯：米線我就不評了，和正常普通吃的一樣，快快手一餐。整體來說，我覺得是雷聲大雨點小，一  試無妨。我還是幫襯返我吃開的酸菜三小辣湯底，才夠過癮及對胃口！…查看更多

又是lunchtime,去了食米線、這次就去了譚仔、不是三哥😂、食過幾次的米線店🤣令人熟悉的譚仔牛脷的鮮嫩口感、豆腐的滑嫩質地，再搭配胡椒鮮番茄湯米的清爽酸甜，味道豐富多層次。讓人一口接一口停不下來。這道湯不僅口感順滑，還能讓人感受到新鮮番茄的自然甜味，是一道開胃的美食。酸菜的酸爽風味和炸醬的香濃口感，再加上貢丸的彈牙口感，味道豐富多層次。這道料理不僅有酸菜的清爽，還有炸醬的濃厚，讓人一試難忘。每一口貢丸都能帶來滿滿的滿足感。 涷拌豬閏宮妊蘿蔔是一道美味的料理，結合了豬閏宮的鮮嫩口感和蘿蔔的清爽甜脆，再加上涷拌的獨特調味，味道鮮美開胃，每一口都能帶來滿滿的滿足感。結合了蒜泥的香氣和尼白肉的嫩滑口感，味道濃厚鮮美。蒜泥的辛香與尼白肉的鮮甜相得益彰，這道菜不僅口感豐富，還能讓人感受到蒜泥和尼白肉的完美組合，無論是搭配飯或是啤酒，都是絕佳的選擇。口感在於黑糖的香甜與苦瓜的清爽相互融合，帶來獨特的風味體驗。這道特飲不僅口感豐富。每一口都能帶來清涼的口感…查看更多

病咗唔知食咩好，落咗譚仔叫個清清地嘅魚蛋米線，走咗腐皮同埋芽菜，雖然病咗食唔到辣，但係淡淡地都幾好食嘅，舖頭啲阿姐又好好人，唔知食咩食譚仔都OK啦，希望快啲病好啦…查看更多

上網熱烈討論嘅譚仔下午茶餐牌，終於有機會可以一戰！去到睇完其實都唔係咁快明，因為佢上下兩part都仲有分唔同價錢😂但係阿姐已經極速咁企咗我隔離都等，所以我直接叫佢介紹阿姐叫我試吓個多士，因為係新出，佢覺得幾好食，係天真同冇時間選擇嘅情況下我相信咗佢玉桂焦糖多士 + 土匪雞翼2隻 + 麻辣豬耳 配 凍檸茶數量上覺得好豐富，但由於多士同雞翼得各2件，豬耳係迷你版，所以下午茶係岩岩好，唔會好飽。玉桂焦糖多士唔夠味，好似食緊一塊烘乾左既方包咁🥲比遮遮呃左。。定係今日落得唔夠料呢？叫下叫下都40幾蚊，其實同出邊下午茶差唔多價錢，但係譚仔嘅下午茶湯底就有限制，只限清湯如果一心諗住食米線，好似正正經經食返個普通叫法會開心啲。…查看更多

譚仔係4月13日推出左期間限定新品「豬皮豬軟骨花椒重慶酸辣湯米線」，同埋兩款Chill爽特飲，佢地仲趁ViuTV劇集和解在後 熱播中，邀請到主角恆仔、Ivyso 試食😝🤟🏻：-1️⃣「豬皮豬軟骨花椒重慶酸辣湯米線🍜($51起)」(全新限定)豬軟骨夠軟淋，豬皮爽口，湯底惹味🥢 ~Rice noodles with stewed pork cartilages 👍🏻-2️⃣「菠蘿味無糖可口可樂®特飲🍍」(全新限定)好好飲，真係好濃菠蘿味~👍🏻Pineapple flavour zero cola-3️⃣「水蜜桃味愛玉冰特飲 (原價$17/ 加配價$13)」(全新限定)雪碧加左水蜜桃汁，仲有有咬口嘅愛玉，好解辣🤣~Peaches Sprite …查看更多

今天我，再次幫襯譚仔雲南米線，早排食得太多次重慶酸辣，今日就返撲歸真，食返麻辣。譚仔雲南米線既麻辣都係一如以往KEEP得住水準，今次我就食既辣度高左，食2小辣，麻咀既感覺好過㽼。除左個米線之外，仲叫左個十三香，不得不讚呢個十三香，雖然之前都出過一次，但係以前都係得燒賣魚蛋既PRE SET十三香，而今次十三香強勢回歸仲可以揀唔同既配搭，蟹柳又有，魚肉春卷又有，揀返本身既魚蛋又得，好多選擇，同埋佢既辣汁係超級好食，用來點米線既餸(e.g.雞肉，腩肉)，一絕既配搭。最後加埋杯餐飲咁又一餐啦。…查看更多

今日好想食米線所以去咗食譚仔一到lunchtime就大把人位又多外賣平時食譚仔我都淨係食炸醬米線我通常會叫兩份炸醬😝 係呢間舖頭嘅炸醬先會俾多少少其他舖頭叫兩份都唔知夠唔夠呢既一份今日想食濃味少少既湯味 所以叫左個胡辣湯米線都係正常最緊要炸醬好味同埋夠多🤤…查看更多

👵🏻 吃濃汁豬軟骨寬麵換賤人新世紀扇譚仔雲南米線又有新攪作，現惠顧濃汁豬軟骨寬麵，即送「賤人新世紀」米扇一把。由8月1日起連續三星期，每星期都有不同款式的米扇登場。筆者內心是想要阿婆款的，但還是想試試到底寬麵是伏是友。🤩 各位讀者可按個人喜好吃麵換扇，看準時機去馬！🔸 8月1日起：譚仔姐姐款🔸 8月8日起：阿婆款🔸 8月15日起：大麻成款🌶 阿婆走得快，一定有古怪，率先試試店中新品濃汁豬軟骨寬麵，當筆者下單要中辣時，譚仔姐姐有提點此款麵是較辣的款式，怕辣可轉辣度低一點，但以平常吃慣中辣的筆者來說，還是想比較一下有什麼區別。🌶 中辣寬麵比預期中辣，花椒重慶酸辣湯滿碗是紅油，酸度足，辣得有後勁。寬麵是滑身的款式，不是彈牙的麵款，質感有點像上海雲吞皮，掛湯力高。麵中配3件豬軟骨，炆得頗腍，容易入口。2件豆卜吸了辣湯後，惹味好吃。🔸小總結：難得米線店引入麵食，味道比想像中好吃，而且性格比超強，優惠期間天送特定款式米扇，為夏日送爽，趕快一試吧！👅 味道：4.1/5💰CP值：4.8/5🕴🏻服務：4.8/5🔰餐廳環境：4.5/5🍽 餐廳：譚仔雲南米線🌐地址: 尖沙咀漆咸道67-71號安年大廈地下B舖🐮 #cowing吃在尖沙咀#foodie #hkfoodie #hongkongfoodie #852food #852foodie #foodstagram #尖沙咀美食 #相機食先 #吃貨 #食好西…查看更多

今日試新野 食新出嘅韓式泡菜雞卷米線（$45 )同十三香（$19)，米線可另加辣，今次無加辣，試試佢原汁原味韓式風味 上到嚟之後真係唔錯，個湯底唔辣而且充滿泡菜嘅味道，唔濃唔淡，如果鍾意辣嘅可以選擇再加辣。佢俾嘅海帶同雞卷都幾多，份量充足。十三香就係香港嘅咖哩魚蛋同燒賣，另加麵筋，好港式風味，估唔到會喺譚仔食到燒賣同魚蛋呢兩樣野。入面有啲指天椒喺度，但成份野係唔辣嘅，味道都唔錯，可以一試。…查看更多

收工行過見到好肚餓，但係因為太熱嘅關係又唔想食米線。咁就諗住淨係食土匪雞翼啦。行埋去counter問姐姐可唔可以就咁叫土匪雞翼外賣。姐姐話冇問題咁二話不說就叫個大土匪拎走啦。其實我都係第一次淨叫土匪雞翼拎走。等咗都大約兩個字左右，不過我又覺得值得等嘅。拎到返屋企雞翼仲係熱嘅。急不及待即刻拆嚟食。雞翼外脆內多汁。外面脆得來非常之香口。而家開雞翼皮裏面有大量肉汁流出來。簡直就係人間美食。食咗五隻之後都好滿足啦。…查看更多

話說之前譚仔推出期間限定嘅芫茜米線，就同同事食晏試試佢。1. 香茜皮蛋脆肉鯇魚湯米線（+芫茜山）身為芫茜愛好者嘅我特登加多3蚊要座芫茜山，加埋落碗麵，d芫茜多到見唔到其他食材。食呢碗麵一定要食左芫茜先，芫茜浸耐左會縮同冇咁爽口。另外，皮蛋同脆魚鯇都多份量，冇偷工減料，皮蛋好出色，咸度適中，食完唔會覺得有痰卡喺喉嚨；脆魚鯇煮得啱啱好，爽口實肉，有水準。2. 土匪雞翼同同事一齊些牙左份土匪雞翼，一如以往，辣得黎有些少胡椒味，炸得啱啱好，惹味香口。埋單每人55蚊，眾所周知，譚仔親民抵食，呢次香茜米線有出色發揮，芫茜愛好者必試之選！…查看更多

自從開始低醣飲食之後真係去少好多譚仔一個星期先一日open day亦未必會揀譚仔不過而家唔同喇因為米線可轉菜底簡直係低醣飲食嘅佳音我今日叫咗牛肉豬肉豆卜生菜底又食到譚仔嘅味道又唔使食澱粉質再加埋個細土匪簡直係Perfect如果可以多啲肉類嘅選擇唔好咁多醃製嘅食物就更好…查看更多

🇭🇰譚仔雲南米線·呢個撈米線我想試好耐架啦 但係見佢既評價好兩極 所以一路都的唔起心肝🤭難得個日同事都想試 所以就一齊去左😈😈·麻辣汁烤雞炸醬撈米線$43我覺得佢比我想像中好食既 就係幻想個個味咁 炸醬同酸菜個份量都好多 同埋因為佢有個麻辣汁 所以都幾惹味😌而且我自己覺得就算五小辣都唔算話好辣 同平時十小差唔多 不過佢個米線就真係偏淋身既🙊🙊之後佢個烤雞就正正常常啦 不過我覺得佢碗米線係偏細碗既 因為我自己一個都輕鬆食曬🤣🤣·📍漆咸道67-71號安年大廈地下B舖…查看更多