影片
更多
2017-04-29
5967 瀏覽
日本餐係香港可以話好豐儉由人，平有平食，貴有貴食。 今日朋友生日，決定食好d!店內好寬敞，一d 都唔迫，感覺好舒服可以坐好耐，傾密計都唔怕隔離枱聽到,一入去就見到個日式開放式廚房，好多師傅認真甘做野，非常吸引好鐘意佢地個筷子托，簡單得黎幾特別立即點餐，飲品好快到抹茶芝麻期間限定既飲品，係朋友點既，佢話好香芝麻+抹茶味。一向知道抹茶同紅豆係朋友，估唔到同芝麻都可以甘fd我試左一啖果然ok, 唔太甜。蜜桃梳打好香好濃桃既味道，好似成日桃渣汁飲甘。最怕會好淡，淡到比梳打水味蓋晒，但呢杯飲品絕對桃味好重，抵讚！前菜章紅魚薄切黑松露帶子一黎到時係估唔到前菜都甘大碟！仲配埋沙律！上枱時已經聞到好香既黑松露味。刺身好新鮮，除左章紅魚同帶子外，仲有甜蝦。 呢個前菜刺生無需點wasabi, 因為連埋食黑松露食已經好香好夠，配埋沙律食好refreshing!什錦魚生沙律同樣都係好大碟，什錦魚生主要得三文魚，但仍然好新鮮，我仲食到三文魚腩，好fatty 好滿足！兩道菜既沙律配上日式柚子醬，好開胃！芝士青瓜三文魚卷其實我好怕食一舊青瓜因為好腥但呢度整法係張青瓜切絲，放落口唔會比一整舊青瓜呢個口感嚇親，令到有青
店內好寬敞，一d 都唔迫，感覺好舒服可以坐好耐，傾密計都唔怕隔離枱聽到,一入去就見到個日式開放式廚房，好多師傅認真甘做野，非常吸引
好鐘意佢地個筷子托，簡單得黎幾特別
立即點餐，飲品好快到
抹茶芝麻期間限定既飲品，係朋友點既，佢話好香芝麻+抹茶味。一向知道抹茶同紅豆係朋友，估唔到同芝麻都可以甘fd我試左一啖果然ok, 唔太甜。
蜜桃梳打好香好濃桃既味道，好似成日桃渣汁飲甘。最怕會好淡，淡到比梳打水味蓋晒，但呢杯飲品絕對桃味好重，抵讚！
前菜
章紅魚薄切黑松露帶子
一黎到時係估唔到前菜都甘大碟！仲配埋沙律！上枱時已經聞到好香既黑松露味。刺身好新鮮，除左章紅魚同帶子外，仲有甜蝦。 呢個前菜刺生無需點wasabi, 因為連埋食黑松露食已經好香好夠，配埋沙律食好refreshing!
什錦魚生沙律
同樣都係好大碟，什錦魚生主要得三文魚，但仍然好新鮮，我仲食到三文魚腩，好fatty 好滿足！
兩道菜既沙律配上日式柚子醬，好開胃！
芝士青瓜三文魚卷
其實我好怕食一舊青瓜因為好腥但呢度整法係張青瓜切絲，放落口唔會比一整舊青瓜呢個口感嚇親，令到有青瓜恐懼既人都接受到。而且加埋芝士，令到青瓜更加淡化，唔會搶晒d 味！
牛油果軟殼蟹卷
材料好足，飯少，每舊都充滿住軟殼蟹軟殼蟹入口好脆，估唔到仲好唔吝嗇甘放埋蟹子，變相成為親子卷食晒人地一家大細真係有d 內疚如果牛油果揀d再熟少少既會更好。
鵝肝釀雞翼
雞翼好熱，外面燒得好脆，咬開入面仲好juicy 多汁。 鵝肝好香唔腥，釀既份量都幾多。 加左d 抹茶鹽，味道更出更好味！(另有柚子鹽同岩鹽)
梅醬紫蘇雞
燒物最怕燒到乾真真，呢個雞串仍然好juicy, 上面搽左一層梅子醬，再蓋上滿滿既紫蘇菜，色香味都有！本身已經好夠味無須再點鹽了
香味炸池魚仔
炸池魚仔未試過所以好想食. 最方便，成條食，香脆可口。
津別牛乳蟹肉薯餅
外脆，而充滿住牛乳同蟹肉，呢一刻真係好想點返杯啤酒
最後點可以唔食甜品！
蜜桃雪芭都係非常香蜜味，日本既蜜真係香甜又多汁，點可唔試！岩岩食完炸野，食返個雪芭真係可以解下熱氣！
呢餐真係大滿足，餐廳環境好，食物質素高，服務都好好！！朋友同我都好滿意呢！
張貼
