炑八韓烤 (黃大仙中心南館)

營業中

休息中

呢餐韓燒，簡直係肉食愛好者必定滿足的！我哋叫咗個嚴選和牛豬梅花套餐，份量十足。首先講吓主角和牛肉眼，油花分佈均勻，牛肉嘅香味夠濃。輕輕燒一燒，鎖住肉汁，再點少少醬汁，完美！我最鍾意係韓式LA牛仔骨，醃製得非常入味，肉質鮮嫩，帶有淡淡嘅甜味。韓國豬梅花肉就係另一種風味。肉質結實，富有彈性。醬油豬五花亦都唔可以錯過。薄切嘅五花肉，用醬油醃製，鹹香惹味。配搭生菜一齊食，更加清爽解膩。除咗燒肉之外，仲有韓式拌麵。麵配搭酸辣嘅醬汁，非常開胃。飲品方面，我哋叫咗薑橙梳打同玫瑰佛手柑梳打。薑橙梳打嘅薑味同橙味配合得恰到好處，帶有果香，非常 refreshing。玫瑰佛手柑梳打就充滿花香，味道清新。