影片
開飯介紹
人氣韓國燒烤店，招牌為燒韓牛，當中以肩胛肉及護心肉最為推薦。
繼續閱讀
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
以上資料只供參考, 請與餐廳確認詳情
有關獎賞計劃
地址－炑八韓烤(黃大仙中心南館)黃大仙 正德街103號黃大仙中心南館地下低層LG01號舖近排睇完黑白大廚後就好想食下韓國野，但又唔想自己動手煮公仔麵，只好食下烤肉以解思韓之苦啦，一入到去，侍應已經好快咁上左芝士粟米粒同泡菜蛋，之後就開爐，係等待期間仲上埋D前菜同沙律，表示除左沙律外，所有都可以任加，首先講下沙律先，雖然佢係贈送的，但都絕不馬虎，都選用左沙律菜，高成本咁喎，而佢D前菜味道好唔錯，值得推介係醃白蘿蔔，完全做到清爽之餘又唔會太酸，我地都叫左3碟，後期D侍應見到食完都即刻REFILL，勁識做，食左幾輪前菜後D爐邊芝士同蛋都已經READY，D粟米沾滿左D芝士，味道勁香濃，又能做到拉絲效果，而泡菜蛋則令到本身橙紅色的蛋增添韓式味道，鹹度適中，我地都叫左2輪黎食XD。💋炑八厚切五花腩，呢舊肉真係不得了，原條咁上桌，方便我地因應自己喜好剪成適當的厚度，食落肥瘦均勻適中，唔會話過肥令到成口油，而佢層皮仲有陣煙韌的口感，好特別。💋外裙肉，佢呢D牛肉經過韓式醬料醃製過，食落已經好夠味，但亦都因為醃製過的關係，記得要控制好時間，唔係的話會好易燶，千萬唔好問我點解知，嗚。💋大八爪魚(1隻)，呢隻八爪魚真係打咭作用非常一流，原隻咁上桌，都令到我地有點不知所措，但好彩侍應見狀都會出手相助，細心地剪成一小口，方便我地燒同埋進食，由於佢又有醃製過關係，我地有左經驗，已經知道要小心控制時間，所以燒完都係完美的狀態，食落口感仲保持到彈牙，又唔會好淡口，唔錯。💋韓式紅蝦(3隻)，呢3隻紅蝦勁大隻，侍應都非常好人地幫手開邊，令到裡面的蝦肉都好快熟晒，食落都FEEL到佢幾新鮮，唔覺有”霉”左的口感。💋海鮮煎蔥餅，呢塊煎蔥餅真係好大塊，大塊到都令人擔心會唔會食唔晒，好彩我地最終都完成任務，而佢塊蔥餅個邊煎都幾脆身，而餅底又唔會太濕，佢D餡勁足料，勁多魷魚仔，口感好豐富，蘸埋佢個醬汁帶點鹹鹹地咁，幾得意。💋韓國水冷麵，係呢個咁熱的日子，食個水冷麵真係最好的消暑方法，雖然佢個”湯底”好似好清咁，但味道都有點鹹味，加埋佢附送的醋同芥末，酸酸地同辣辣地咁，層次豐富，而最估唔到係面層居然有雪梨，令到口感更為清爽，正。💋藍天使梳打及朝日有氣果酒(清爽鮮檸)，食左咁多野後，叫杯梳打打下咭都係一個唔錯的選擇，而佢杯有氣果酒飲落唔算太重酒精味，飲落有少少檸檬味，我呢D易醉的孩子飲完都冇事，臉都唔紅一下，想呃下呵護都唔成功添。
繼續閱讀
朋友由外國番嚟，話好耐無食韓燒，就揀咗炑八韓燒。 職員先送上前菜，前菜都有好幾款（芽菜、泡菜、海帶、酸蘿蔔、薯蓉），另外仲有沙律，酸酸甜甜，開胃醒神！ 當然唔少得無限添加爐邊泡菜蛋同埋芝士🧀 。 炑八厚切五花腩：職員會加上一塊鐵板幫手燒，五花肉擁有豐富嘅脂肪，燒烤時，肉中冒出大量豬油香，令五花肉外皮酥脆，又帶著火燒的嘅香味，超美味！如果加埋生菜同大醬包住一齊食，就會無咁膩。 外群肉：肉味濃郁，油花分佈平均，肉質好柔軟。 韓式紅蝦🦐：新鮮爽口，十分彈牙；大八爪魚亦新鮮軟嫩。 韓國水冷麵：水冷麵麵身煙韌彈牙，極有嚼勁。梨片和青瓜清新爽口🍐🥒，大熱天時食，絕對透心涼😌。 泡菜煎餅：煎餅份量都好多，2個人一份都已經好夠飽。煎餅以半煎炸型式烹調，非常乾身又香脆，而且食落唔會一口油。煎餅餡料充足，有大量泡菜，口感好豐富。 另外叫咗杯最近做緊推廣嘅Asahi Sour，日本直送，有3款味道，紅桑莓、鮮檸同藍橙，今次揀咗個藍橙，味道酸酸甜甜，帶輕微酒精，相當易入口。叫咗1杯荔枝梳打，$38大大杯，又冰凍，又解渴，啱晒食韓燒嘅時飲。適逢餐廳慶祝10週年，現凡消費滿$600，可以以$10加購價換購1罐炑八韓式泡菜，鍾意食泡菜嘅你絕對啱晒😍呢度仲有個賣韓式食品嘅小型超市，食完不妨逛一逛～
繼續閱讀
最近和家人來到炑八，多款開胃前菜、爐邊泡菜蛋和芝士粟米任添是一直以來的大賣點。這次我們點選了嚴選和牛豬梅花套餐，肉類包括和牛肉眼、韓式LA牛仔骨、韓國豬梅花肉和醬油豬五花。和牛肉眼薄片的油花分布恰到好處，輕輕一烤嫩肉瞬間充滿油香和肉汁。牛仔骨經過微甜醬汁的醃製，肉質柔嫩且味道濃郁。個人最喜歡醬油豬五花，配搭提供的醬料，以爽脆的生菜包好，口感層次豐富惹味。搭配的韓式拌麵為韓式牛腱辣拌冷辣，彈性的麵條帶有微辣和清爽酸味，十分開胃。在飲品方面有薑橙梳打和玫瑰佛手柑梳打，前者的薑味香氣清新，與橙子的酸甜交織；後者則香味獨特，佛手柑與玫瑰的味道十分合襯。
繼續閱讀
呢餐韓燒，簡直係肉食愛好者必定滿足的！我哋叫咗個嚴選和牛豬梅花套餐，份量十足。首先講吓主角和牛肉眼，油花分佈均勻，牛肉嘅香味夠濃。輕輕燒一燒，鎖住肉汁，再點少少醬汁，完美！我最鍾意係韓式LA牛仔骨，醃製得非常入味，肉質鮮嫩，帶有淡淡嘅甜味。韓國豬梅花肉就係另一種風味。肉質結實，富有彈性。醬油豬五花亦都唔可以錯過。薄切嘅五花肉，用醬油醃製，鹹香惹味。配搭生菜一齊食，更加清爽解膩。除咗燒肉之外，仲有韓式拌麵。麵配搭酸辣嘅醬汁，非常開胃。飲品方面，我哋叫咗薑橙梳打同玫瑰佛手柑梳打。薑橙梳打嘅薑味同橙味配合得恰到好處，帶有果香，非常 refreshing。玫瑰佛手柑梳打就充滿花香，味道清新。
繼續閱讀
邊個港人唔鍾意食韓燒？成日聽人講韓燒正，但又唔知去邊間好？今日就同大家分享我去炑八韓烤(黃大仙店)嘅超讚食評！呢次試咗個嚴選和牛豬梅花套餐，配埋韓式牛腱辣拌冷麵，真係豐富到冇朋友！套餐入面有和牛肉眼、韓式LA牛仔骨、韓國豬梅花肉同醬油豬五花。和牛肉眼油花分佈均勻，放落烤爐一烤，嗰陣香味已經令我忍唔住吞口水，入口即溶，正到痹！韓式LA牛仔骨好有咬口，醃料滲入肉質每個位，咬落去汁多到爆。豬梅花肉同豬五花都好出色，豬梅花肉嫩滑，豬五花就肥瘦相間，烤到金黃微焦，包埋生菜，加啲蒜片同醬料，一齊放入口，層次超豐富。另外仲點咗1杯薑橙梳打同1杯玫瑰佛手柑梳打。薑橙梳打有淡淡薑味同橙香，好醒神；玫瑰佛手柑梳打就充滿花香，好清新解膩，同韓燒簡直絕配。呢個套餐正價$598，會員尊享$488，性價比超高！總括嚟講，呢次用餐體驗超級滿分，環境舒適，服務周到，食物又好食
繼續閱讀