Tonkotsu 8 by 三田製麵所 (香港國際機場機場一號客運大樓)

營業中

休息中

好耐無嚟過機場喇，上次嚟都係送朋友機，臨走前幫襯過呢間Tonkotsu 8覺得都幾好食，所以今次帶埋朋友一齊食個晚飯先走。-🍗叉燒炸雞拉麵$88呢碗啱哂好似Badboy一樣鍾意食炸雞又覺得食拉麵要食叉燒嘅朋友🤭叉燒勁大塊，比我食過任何一間嘅叉燒都大，而且有成3塊😳好抵食！炸雞睇落好似唔算大舊，但其實都好多肉，炸得好脆，肉汁都保留到。拉麵係幼身嗰種，微彈口感，非常掛湯，唔用匙羹連湯食都夠味。-🐷豚骨拉麵 黑麻油$74雖然呢碗無叉燒炸雞拉麵咁多餸，但黑麻油絕對係為碗拉麵增添咗一股神秘嘅吸引力。日本製黑麻油同大蒜製造出一碗色香味俱全嘅拉麵。Badboy幾鍾意佢個湯底唔會太濃太重口味，味道岩岩好👍🏻-另外Badboy幾鍾意餐廳用咗日系木色調裝修風格，簡單乾淨、舒適企理。加上呢間店喺機場，可以幻想吓去咗日本食拉麵😆。